Átta manns lifa flóðið af

Nói, fjölskylda hans og dýrin fóru inn í örkina. Jehóva lokaði dyrunum og það byrjaði að rigna. Það rigndi svo mikið að örkin flaut. Að lokum var öll jörðin komin á kaf. Allt vonda fólkið dó af því að það fór ekki inn í örkina. En Nói og fjölskylda hans voru örugg inni í örkinni. Geturðu ímyndað þér hversu glöð þau hafa verið að hafa hlýtt Jehóva?

Það var grenjandi rigning í 40 daga og 40 nætur. Síðan hætti að rigna. Hægt og rólega lækkaði yfirborð vatnsins. Að lokum kom örkin niður á fjall. En það var enn þá fullt af vatni alls staðar svo að Nói og fjölskylda hans gátu ekki farið út úr örkinni strax.

Smátt og smátt hvarf vatnið. Nói og fjölskylda hans voru inni í örkinni í meira en ár. Þá sagði Jehóva þeim að þau gætu farið út úr örkinni. Þetta var eins og nýr heimur. Þau voru mjög þakklát fyrir að Jehóva skyldi hafa bjargað þeim. Þau sýndu þakklæti sitt með því að færa Jehóva fórn.

Jehóva var ánægður með fórnina. Hann lofaði að hann myndi aldrei aftur eyða öllu á jörðinni í flóði. Hann lét fyrsta regnbogann sjást á himnum sem merki um þetta loforð. Hefur þú séð regnboga?

Jehóva sagði Nóa og fjölskyldu hans að eignast börn og fylla jörðina.