Abraham og Sara hlýddu Guði

Ekki langt frá Babel var borg sem hét Úr. Þar tilbað fólk marga aðra guði en Jehóva. En það var maður í Úr sem tilbað bara Jehóva. Hann hét Abraham.

Jehóva sagði við Abraham: ‚Farðu frá heimili þínu og ættingjum og inn í landið sem ég sýni þér.‘ Guð gaf honum síðan þetta loforð: ‚Þú verður að stórri þjóð. Og ég ætla að gera mörgum gott út um alla jörðina vegna þín.‘

Abraham vissi ekki hvert Jehóva var að senda hann, en hann treysti honum. Abraham, Sara konan hans, Tera pabbi hans og Lot frændi hans pökkuðu niður og héldu hlýðin af stað í langt ferðalag.

Abraham var 75 ára þegar hann og fjölskylda hans komu loksins til landsins sem Jehóva vildi sýna þeim. Það hét Kanaansland. Þar talaði Guð við Abraham og gaf honum þetta loforð: ‚Ég ætla að gefa börnunum þínum allt þetta land sem þú sérð.‘ En Abraham og Sara voru gömul og áttu engin börn. Hvernig ætlaði Jehóva þá að standa við loforð sitt?