ÞJÁLFUNARLIÐUR 13

Hagnýtt gildi dregið fram

Orðskviðirnir 3:21

YFIRLIT: Hjálpaðu áheyrendum þínum að skilja hvernig efnið snertir líf þeirra og sýndu þeim hvernig þeir geti nýtt sér það sem þeir læra.

Hafðu áheyrendur þína í huga. Íhugaðu hvers vegna áheyrendur þínir þurfa á þessari fræðslu að halda og veltu fyrir þér hvaða flötur á efninu kæmi þeim sérstaklega að gagni.
Sýndu áheyrendum þínum frá upphafi til enda ræðunnar hvernig þeir geti nýtt sér efnið. Hver einasti áheyrandi ætti alveg frá byrjun að hugsa: „Þetta er áhugavert.“ Þegar þú vinnur úr aðalatriðunum skaltu útskýra hvernig eigi að heimfæra hvert og eitt þeirra. Vertu hnitmiðaður frekar en að tala almennt um efnið.

Talaðu af kærleika og skilningi þegar þú fjallar um hvernig eigi að beita meginreglum Biblíunnar. Í stað þess að láta aðra fyllast sektarkennd skaltu styrkja kærleika þeirra og trú, fullviss um að þeir finni hjá sér hvöt til að gera það sem er rétt.