Spurningakassinn

◼ Er enn við hæfi að stjórna heimabiblíunámskeiði með óvirkum bróður eða systur, að fengnu leyfi einhvers úr starfsnefnd safnaðarins?

Það er á ábyrgð öldunganna að vera hirðar safnaðarins, líka safnaðarmanna sem hafa orðið óvirkir. Þeir heimsækja þá og ákveða hvaða persónulega aðstoð þeir þurfi að fá. Þar sem við á gæti það falið í sér að bjóða hinum óvirka einkabiblíunámskeið. Bókin Organized to Accomplish Our Ministry (Þjónustubókin) segir á bls. 103 að starfsnefnd safnaðarins ákveði hverjir geti fengið slíka aðstoð.

Starfshirðirinn ákveður hver sé best til þess fallinn að veita aðstoðina, hvaða efni eigi að nema og hvaða rit sé heppilegast að nota. Sá sem kenndi hinum óvirka upphaflega væri kannski í ágætri aðstöðu til að hjálpa honum eða einhver annar sem hann þekkir og virðir. Biðja má hæfa og þroskaða systur að aðstoða óvirka systur. Yfirleitt er óþarfi að annar boðberi fari með þeim sem falið hefur verið að stjórna námskeiðinu. Stjórnandinn má telja tímann, endurheimsóknirnar og námskeiðið á starfsskýrslu sinni. — Sjá Ríkisþjónustu okkar fyrir nóvember 1987, bls. 2.

Þar eð nemandinn er skírður þarf námskeiðið að öllu jöfnu ekki að standa yfir í langan tíma. Markmiðið er að hjálpa hinum óvirka að sækja allar safnaðarsamkomur á ný og verða reglulegur boðberi fagnaðarerindisins. Starfshirðirinn fylgist með framförum nemenda. Árangur þessarar kærleiksríku aðstoðar ætti að vera sá að þessir bræður og systur geti axlað ábyrgð sína frammi fyrir Jehóva og orðið „rótfestir og grundvallaðir“ í sannleikanum. — Ef. 3:17; Gal. 6:5.