Yfirburðir visku Guðs
1 Sumum finnst að vottar Jehóva ættu að beina kröftum sínum að líknarstörfum til að takast á við vandamálin sem mannkynið á við að stríða. En þetta fólk áttar sig ekki á því að biblíufræðslustarf okkar er mun þýðingarmeira. Hér eiga orð Páls postula vel við: „Því að orð krossins [„kvalastaursins“, NW] er heimska þeim er glatast, en oss, sem hólpnir verðum, er það kraftur Guðs.“ (1. Kor. 1:18) Já, við vitum að boðunarstarfið er langmikilvægasta starfið sem framkvæmt er í heiminum nú á dögum.
2 Betra líf núna: Tilraunir manna til að leysa vandamál heimsins hafa borið afar takmarkaðan árangur. Löggjöf hefur ekki stöðvað útbreiðslu glæpa. Friðarsáttmálar og friðargæslusveitir hafa ekki bundið enda á styrjaldir. Áætlanir um félagslegar umbætur hafa ekki getað útrýmt fátækt. (Sálm. 146:3, 4; Jer. 8:9) Hins vegar hefur fagnaðarerindið gerbreytt lífi milljóna manna þar sem það hefur hjálpað þeim að íklæðast nýjum persónuleika Guði að skapi. (Rómv. 12:2; Kól. 3:9, 10) Þannig hefur allt þetta fólk bætt líf sitt nú þegar. — 1. Tím. 4:8.
3 Björt framtíð: Viska Guðs hjálpar okkur bæði að gera skynsamlegar framtíðaráætlanir og að takast á við erfiðleika lífsins núna. (Sálm. 119:105) Hún hlífir okkur við að reyna að bæta núverandi heimskerfi, enda er það vonlaust. (Préd. 1:15; Rómv. 8:20) Við erum þakklát fyrir að hafa ekki sólundað lífinu í að keppa að markmiðum sem eru ekkert annað en tálvon! Við beinum kröftum okkar að öruggu fyrirheiti Jehóva um ‚nýjan himinn og nýja jörð“ þar sem réttlæti býr. Þegar dómsdagur Jehóva rennur upp leikur enginn vafi á því að þeir sem treystu á visku hans völdu réttu stefnuna. — 2. Pét. 3:10-13; Sálm. 37:34.
4 Þótt þeim sem eru á kafi í „speki þessarar aldar“ finnist viska Guðs óraunhæf þá er hún eina raunhæfa lífsstefnan. (1. Kor. 1:21; 2:6-8) Þess vegna höldum við áfram að boða um alla jörðina boðskapinn frá Guði sem einn er ‚alvitur‘. — Rómv. 16:27.