Landsmót sem hvatti okkur til að ganga með Guði
Landsmótið „Göngum með Guði“ endurómaði skýra hvatningu Jehóva: „Hér er vegurinn! Farið hann!“ (Jes. 30:21) Með því að fara eftir leiðbeiningunum, sem við fengum, getum við ,haft nákvæma gát á hvernig við breytum‘. (Ef. 5:15) Hugleiðing um það sem við lærðum hjálpar okkur að ,lifa í sannleika‘. — 3. Jóh. 3.
Notaðu eftirfarandi spurningar og minnispunktana þína til að undirbúa þig og taka þátt í upprifjuninni á mótinu í ár. Upprifjunin fer fram á þjónustusamkomunni vikuna sem hefst 18. október.
1. Hvernig fór Enok að því að ganga með Guði þó að hann lifði á ólgutímum? (Hebr. 11:1, 5, 6; Júd. 14, 15; „Gakktu með Guði á ólgutímum“)
2. Á hvaða sviðum lífsins má heimfæra frumregluna í Lúkasi 16:10? („Ertu ‚trúr í því smæsta‘?“)
3. (a) Nefnið fernt sem við getum lært af 6. til 9. kafla Hósea og getur hjálpað okkur að ganga með Guði. (Hós. 6:6, 7; 7:14; 8:7) (b) Hvað kemur fram í 10. til 14. kafla Hósea sem hjálpar okkur að ganga með Guði? („Spádómur Hósea hjálpar okkur að ganga með Guði“ — ræðusyrpa)
4. Hvað geta kristin hjón gert til að halda hjónabandinu sterku? (Orðskv. 12:4; Ef. 5:29; „Skiljið ekki í sundur ‚það sem Guð hefur tengt saman‘“)
m5. Hvernig sýnum við að við berum virðingu fyrir helgum samkomum? (Préd. 4:17; Jes. 66:23; „Berum virðingu fyrir helgum samkomum“)
6. (a) Hvaða þrjá þætti boðunarstarfsins ættum við að rannsaka til að tryggja að við tökum virkan þátt í því? (Jes. 52:7; Sak. 8:23; Mark. 6:34) (b) Hvað finnst þér sérstaklega gagnlegt við bæklinginn Good News for People of All Nations? („Fagnaðarerindi fyrir fólk af öllum þjóðum“ og „Hjálpum þeim sem tala erlent tungumál“)
7. Hvernig getum við hjálpað nýjum að auka sjálfstraust sitt í boðunarstarfinu? (Dóm. 7:17; „Hjálpum öðrum að boða fagnaðarerindið“)
8. Hvernig sýnum við að við erum sannfærð um að „hinn mikli dagur Drottins er nálægur“? (Sef. 1:14; „Göngum í trú, ekki því sem við sjáum“)
9. (a) Hversu alvarlegt er það að vera öðrum til ásteytingar? (Mark. 9:42-48) (b) Hvernig getum við forðast það að hrasa? (Sálm. 119:165) (c) Hvernig er hægt að koma í veg fyrir að verða öðrum til ásteytingar? (1. Kor. 10:24; „Verum ekki ‚neinum til ásteytingar‘“)
10. Hvernig getum við gætt jafnvægis í sambandi við tilhugalíf, heilsuna og viðskipti? (Sálm. 26:4; Matt. 6:25; 1. Tím. 6:9; „Verið fullorðin í dómgreind“)
11. (a) Hvað er eftirtektarvert í sambandi við þau skipti sem Jesús naut gestrisni annarra? (Lúk. 10:42; 24:32) (b) Hvernig getum við svalað afþreyingarþörfinni þannig að það endurnæri bæði okkur og aðra? (1. Kor. 10:31-33; „Heilnæm afþreying sem endurnærir“)
12. Hvaða blessun hljótum við sem sauðir Jehóva samkvæmt 23. sálminum og hvaða ábyrgð höfum við? (1. Kor. 10:21; „Jehóva er hirðir okkar“)
13. Hvernig geta kristnir menn farið eftir innblásna ráðinu um að ,kaupa upp hentugan tíma‘? (Ef. 5:16, NW; „Kaupið upp hentugan tíma“)
14. (a) Í hverju felst ,stund dómsins‘ sem nefnd er í Opinberunarbókinni 14:7? (b) Hvernig sýnum við að við höfum algerlega aðgreint okkur frá Babýlon hinni miklu? („Haltu vöku þinni — stund dómsins er komin“) (c) Hvað í bæklingnum Haltu vöku þinni! vakti áhuga þinn?
15. Nefnið þrjá eiginleika sem eru nauðsynlegir til að ‚fara ekki af rétta veginum‘. (2. Pét. 2:15; „Gættu þess að ,fara ekki af rétta veginum‘“)
16. Hvernig geta unglingar forðast „götu óguðlegra“? (Orðskv. 4:14; „Unglingar — gangið á vegi réttvísinnar“)
17. (a) Hvernig sýndi Páll einstakt fordæmi í þolgæði? (Post. 14:19, 20; 16:25-33) (b) Hvers vegna höfum við enga ástæðu til að óttast andstæðinga sannrar tilbeiðslu? (Leikritið og ræðan „Vitnum rækilega þrátt fyrir andstöðu“)
18. Hvaða blessanir hljóta þeir sem ganga með Guði? („Það er okkur til gæfu að ganga með Guði, nú og um eilífð“)
Við skulum vera staðráðin í að fara eftir ,orðunum sem kölluð eru á eftir okkur‘ og ganga með himneskum föður okkar að eilífu. — Jes. 30:21; Jóh. 3:36.