Sérstakt átak til að dreifa nýja bæklingnum
1 Margir hafa áhyggjur af ástandinu í heiminum en fæstir vita af hverju það er svona slæmt, hvað framtíðin ber í skauti sér eða hvað þeir þurfa að gera til að lifa af hinn komandi dómsdag. (Esek. 9:4) Til að opna augu þeirra fyrir því á hvaða mikilvægu tímum við lifum verður gert sérstakt átak til að dreifa nýja bæklingnum Haltu vöku þinni! Átakið fer fram frá mánudeginum 18. október til sunnudagsins 14. nóvember.
2 Bæklinginn má bjóða þegar við vitnum fyrir fólki hús úr húsi, í endurheimsóknum, á förnum vegi eða óformlega. Það ætti hins vegar ekki að láta hvern sem er fá bæklinginn heldur aðeins þá sem sýna áhuga á því sem Biblían segir um þýðingu heimsatburðanna. Hægt er að bjóða þeim sem sýna takmarkaðan áhuga smárit.
3 Þú gætir vakið áhuga viðmælanda með því að segja:
◼ „Alvarleg vandamál og átakanlegir atburðir eru orðnir daglegt brauð og valda mörgum áhyggjum. [Nefndu dæmi.] Vissirðu að þessu var spáð fyrir í Biblíunni? [Gefðu kost á svari. Lestu síðan ritningarstað sem tengist dæminu sem þú nefndir, eins og Matteus 24:3, 7, 8; Lúkas 21:7, 10, 11 eða 2. Tímóteusarbréf 3:1-5.] Í Biblíunni kemur fram á hvaða mikilvægu tímum við lifum og hvað framtíðin ber í skauti sér. Langar þig að vita meira? [Gefðu kost á svari. Bjóddu viðmælandanum bæklinginn ef hann sýnir einlægan áhuga.] Þú getur fengið bæklinginn endurgjaldslaust. En ef þú vilt láta eitthvað af hendi rakna til alþjóðastarfs Votta Jehóva þiggjum við það með þökkum.“
4 Þú gætir líka sagt eitthvað á þessa leið:
◼ „Þegar hörmungar dynja yfir eða fólk verður fyrir átakanlegum missi er mörgum spurn hvers vegna Guð skerist ekki í leikinn og komi í veg fyrir það. Biblían fullvissar okkur um að Guð muni brátt taka í taumana og lina þjáningar mannkynsins. Taktu eftir hvað hann mun gera fyrir mennina. [Lestu Sálm 37:10, 11.] Langar þig að vita meira?“ Ljúktu síðan á sama hátt og hér að ofan.
5 Fáðu nafn og heimilisfang hjá þeim sem þiggja eintak af bæklingnum og búðu þig undir að hitta þá aftur til að fylgja áhuganum eftir. Tillögur að því hvernig það er hægt birtast í Ríkisþjónustu okkar í nóvember 2004. Ef einhver sýnir mikinn áhuga í fyrstu heimsókn geturðu hafið biblíunámskeið þegar í stað með því að nota bæklinginn Haltu vöku þinni! eða annað rit, eins og Kröfubæklinginn.
6 Bæklingurinn verður fáanlegur eftir þjónustusamkomuna í þeirri viku sem farið verður yfir þessa grein. Mælt er með að boðberar og brautryðjendur taki ekki út meira magn og þeir búast við að dreifa fyrstu daga átaksins. Megi Jehóva blessa þetta sérstaka átak svo að það verði honum til lofs og hjartahreinum mönnum hvarvetna til gagns. — Sálm. 90:17.