Dagskrá fjölskyldunnar — dagstextinn
1 Umhyggjusamir foreldrar leggja sig fram um að gefa börnunum góðan mat á hverjum degi. Það er enn mikilvægara að veita þeim andlega næringu frá orði Guðs. (Matt. 4:4) Ein leið til að stuðla að því að börnin hafi góða andlega matarlyst og ‚dafni til hjálpræðis‘ er að taka frá tíma á hverjum degi til að fara saman yfir dagstextann sem fjölskylda. (1. Pét. 2:2) Hvenær gætuð þið gert það?
2 Á matmálstímum: Að hefja daginn á umræðum um dagstextann getur hjálpað fjölskyldunni að hafa Jehóva í huga allan daginn. (Sálm. 16:8) Móðir nokkur ákvað að lesa og ræða um dagstextann við son sinn á meðan hann borðaði morgunmatinn og biðja síðan með honum áður enn hann fór í skólann. Það gaf honum styrk til að taka einarða afstöðu gegn þjóðernishyggju, standast siðlausar freistingar og vitna af hugrekki fyrir nemendum jafnt sem kennurum. Þótt hann væri eini votturinn í skólanum fannst honum hann aldrei vera einn.
3 Ef það hentar ekki að fara yfir dagstextann á morgnana gætu þið fjölskyldan farið saman yfir hann seinna um daginn, til dæmis þegar þið borðið kvöldmatinn. Sumir segja líka frásögur úr boðunarstarfinu og nefna athyglisverð atriði sem þeir tóku eftir þegar þeir lásu í Biblíunni. Margir minnast þessara stunda við matarborðið sem skemmtilegustu samverustunda fjölskyldunnar.
4 Á kvöldin: Sumum fjölskyldum hentar best að fara yfir dagstextann á kvöldin rétt áður en farið er að sofa. Þetta getur líka verið góður tími til að biðja saman. Þegar börnin heyra þig tala um Jehóva á hverjum degi og biðja til hans verður hann þeim raunverulegur.
5 Jehóva blessar viðleitni ykkar til að brýna sannleikann fyrir börnunum þegar þið nýtið ykkur bæklinginn Rannsökum daglega ritningarnar.