Reynirðu að fá áhugasama til að vísa á aðra?

Ef þú stýrir biblíunámskeiði, væri þá ekki þjóðráð að spyrja nemandann hvort hann eigi vini, skyldmenni eða kunningja sem hefðu líka ánægju af því að kynnast Biblíunni? Oft nefna nemendur nokkur nöfn. Þegar þú heimsækir þessa einstaklinga með það í huga að bjóða biblíunámskeið gætirðu með leyfi nemandans nefnt hann á nafn. Þú gætir sagt: „[Nafn nemandans] hefur verið að kynna sér Biblíuna og honum datt í hug hvort þú myndir líka þiggja ókeypis biblíunámskeið.“ Sýndu síðan stuttlega hvernig námskeiðið fer fram með því að nota bókina Hvað kennir Biblían?

Ef nemandi tekur góðum framförum gætirðu hvatt hann til að lýsa fyrir vinum og ættingjum, sem kynnu að hafa áhuga, hvernig biblíunámskeið fer fram. Hann gæti boðið þeim að vera með í námsstund. Ef það hentar ekki þá gæti nemandinn stefnt ykkur saman til að þú getir sýnt hvernig námskeiðið fer fram. Þannig hveturðu nemandann til að byrja að segja öðrum frá því sem hann hefur lært af Biblíunni.

Þeir sem þú heimsækir á reglulegum grundvelli gætu líka vísað þér á einhverja sem kynnu að hafa áhuga, jafnvel þótt þeir sjálfir hafi enn ekki þegið biblíunámskeið. Þegar þú býður þeim bókina Hvað kennir Biblían? gætirðu einfaldlega spurt: „Þekkirðu fleiri sem myndu vilja fá eintak af þessari bók?“

Í ljósi þess á hvaða tímum við lifum viljum við gera allt sem við getum til að gefa fólki tækifæri til að heyra fagnaðarerindið og taka við því. Hefurðu reynt að fá áhugasama til að vísa á aðra?