„Hvert er svarið?“
1. Hvaða vanda eiga sumir í?
1 Hefurðu yndi af orði Guðs en finnst þér kannski erfitt að muna eftir smáatriðum í sambandi við biblíufrásögu eða hvar ákveðnir ritningastaðir eru? Viltu að börnin þín hafi góðan skilning á grundvallaratriðum um Biblíuna og kenningar hennar? Greinarnar „Hvert er svarið?“ á bls. 31 í Vaknið! geta hjálpað bæði ungum sem öldnum að þekkja betur orð Guðs. — Post. 17:11.
2. Hvernig getum við notað greinarnar „Hvert er svarið?“
2 Hvernig getum við nýtt okkur þessar greinar sem best? Í Vaknið! í janúar-mars 2006 var sagt: „Að hluta til er þessum nýja þætti ætlað að höfða til ungra lesenda, og að hluta til á hann að höfða til fólks sem er vel lesið í Biblíunni. Þar er dálkur með sögulegum spurningum þar sem hugmyndin er sú að raða persónum og atburðum biblíusögunnar í tímaröð. Svörin við flestum spurningunum er að finna á tilgreindri blaðsíðu í sama tölublaði. Í öðrum dálki eru spurningar um efni víðsvegar úr blaðinu. Það gæti verið góð hugmynd að grúska dálítið áður en maður flettir upp á svörunum og segja síðan öðrum frá því sem maður hefur lært. Og fjölskyldur og vinahópar geta eflaust nýtt sér þetta efni til að stuðla að umræðum um biblíutengt efni.“
3. Hvaða gagn hafa fjölskyldur haft af þessum greinum og hvaða hluta þeirra hefur þú mest gaman af?
3 Margar fjölskyldur nota gjarnan bls. 31 í Vaknið! sem námsefni í fjölskyldunáminu. Móðir nokkur skrifar: „Okkur hjónunum fannst að það gæti verið sniðugt að nota ‚Finndu myndirnar‘ í fjölskyldunáminu til að hafa námið líflegt og halda athygli þriggja ára dóttur okkar. Það er svo gaman að fylgjast með henni fletta í gegnum sitt eintak af Vaknið! og grandskoða hverja síðu þar til hún finnur það sem hún leitar að.“ Faðir í Brasilíu segir: „Við sjö ára sonur minn höfum mjög gaman af þessum greinum í Vaknið! Þær hafa hjálpað Moises að fylgjast með, fletta upp í Biblíunni, skilja boðskap myndanna og átta sig á tímasetningum.“ Ashley, átta ára, skrifar: „Takk fyrir ‚Hvert er svarið?‘ sem er aftast í Vaknið! Ég læri mjög mikið um Biblíuna á þessum greinum.“
4. Hvernig geta fjölskyldur notað bls. 31 í Vaknið! í fjölskyldunáminu?
4 Hvers vegna ekki að nota „Hvert er svarið?“ í fjölskyldunáminu af og til? Það er hægt að nota efnisskrána og geisladiskinn Watchtower Library til að finna svörin við erfiðum spurningum. Með því að nota þessi hjálpargögn ertu að kenna börnunum hvernig maður leitar upplýsinga. Ef þú átt stálpuð börn gætirðu gefið þeim að verkefni fyrir fjölskyldunámið að finna svörin við „Hver er ég?“ eða „Hvenær gerðist þetta?“ Þau gætu síðan sagt hinum í fjölskyldunni frá efnisleit sinni. Foreldrar geta notað þessa blaðsíðu til að brýna orð Guðs fyrir börnunum og hjálpa þeim að þekkja „heilagar ritningar“ frá blautu barnsbeini. — 2. Tím. 3:15; 5. Mós. 6:7.