Spurningakassinn

◼ Hvaða tvö rit ætti að fara yfir með biblíunemendum?

Bókin Hvað kennir Biblían? er helsta námsgagnið sem við notum til að hefja og halda biblíunámskeið. Þó að ekkert sé að því að nota annað rit til að hefja biblíunámskeið, til dæmis viðeigandi smárit, er gott að reyna að skipta yfir í bókina Hvað kennir Biblían? eins fljótt og auðið er. Boðberar hafa náð afbragðs árangri með því að nota bókina til að hefja biblíunámskeið.

Þegar farið hefur verið yfir Hvað kennir Biblían? og nemandinn tekur framförum jafnt og þétt ætti næst að fara yfir bókina Sameinuð í tilbeiðslu. (Kól. 2:7) Á bls. 2 er útskýrt hvert markmið bókarinnar er: „Milljónir manna kunna skil á undirstöðukenningum Biblíunnar, en til að njóta til fulls gleðinnar af sameiginlegri tilbeiðslu á hinum sanna Guði þurfa þeir að sækja fram til kristins þroska. Þessi bók hefur verið samin til að hjálpa slíku fólki að auka og dýpka skilning sinn á orði Guðs og læra að nota það meira í sínu daglega lífi.“

Þó svo að biblíunemandinn sé hæfur til að láta skírast áður en hann hefur farið yfir báðar bækurnar ætti biblíunámskeiðið að halda áfram þangað til að lokið hefur verið við seinni bókina. Þótt biblíunemandinn hafi látið skírast má sá sem hefur umsjón með náminu skrá tímann, endurheimsóknina og biblíunámskeiðið á starfsskýrsluna. Ef annar boðberi er með í námsstundinni má hann líka skrá tímann á starfsskýrsluna.