Tökum framförum í boðunarstarfinu – verum góðir samstarfsfélagar

Af hverju er það mikilvægt? Jesús vissi hvað það er mikils virði að hafa samstarfsfélaga í boðunarstarfinu. Þess vegna lét hann tvo og tvo fara saman þegar hann sendi lærisveinana 70 á undan sér. (Lúk. 10:1) Samstarfsfélagi getur veitt boðbera þarfan stuðning ef hann lendir í erfiðum aðstæðum eða er ekki viss um hvernig best sé að svara húsráðanda. (Préd. 4:9, 10) Samstarfsfélaginn getur deilt reynslu sinni, og komið með tillögu af og til sem getur hjálpað félaga hans að verða skilvirkari boðberi. (Orðskv. 27:17) Hann getur einnig verið hvetjandi ef hann ræðir um uppbyggilegt efni þegar þeir ganga milli húsa. – Fil. 4:8.

Hvernig förum við að?

Fylgstu með þegar samstarfsfélagi þinn talar við húsráðanda. (Jak. 1:19) Þegar ritningarstaður er lesinn skaltu fylgjast með í biblíunni þinni. Þannig ertu betur í stakk búinn til að aðstoða ef með þarf.
Sýndu dómgreind þegar þú ákveður hvort og hvenær þú blandar þér í samræðurnar. (Orðskv. 25:11, Biblían 1981) Þegar samstarfsfélagi þinn er að kenna biblíunemenda eru athugasemdir þínar eflaust vel þegnar öðru hverju. En þegar þið eruð í boðunarstarfinu hús úr húsi vill félagi þinn kannski að þú leyfir sér að hafa orðið þegar röðin er komin að honum. Ef félagi þinn er hins vegar óreyndur eða ekki viss um hvernig hann á að svara spurningu eða mótbáru kann hann eflaust að meta hjálp þína. En hvort sem þú ferð með öðrum boðbera hús úr húsi, í endurheimsókn eða á biblíunámskeið, skaltu hvorki grípa fram í, taka yfir samtalið, né brydda upp á öðru umræðuefni.
Deildu reynslu þinni. Ef þú getur af og til komið með tillögur til að samstarfsfélagi þinn nái betri árangri í boðunarstarfinu skaltu ekki vera feiminn við það. (Orðskv. 3:27) Þegar hentugt tækifæri gefst gætir þú byrjað á að segja: „Hvernig fannst þér þetta ganga?“ eða „má ég koma með tillögu?“ eða „mér hefur reynst vel að segja“. Hafðu í huga að flestir kunna að meta ráðleggingar öðru hvoru, en það er alls ekki hvetjandi þegar stanslaust er verið að leiðrétta mann.

Prófaðu eftirfarandi í mánuðinum:

Að boðunarstarfinu loknu skaltu segja félaga þínum hvernig það sem hann gerði eða sagði sýndi að hann væri góður samstarfsfélagi.