Tillögur að kynningum

Var lífið skapað?

„Mig langar að gefa þér þennan bækling sem fjallar um mál sem er ofarlega á baugi. [Sýndu bæklinginn og lestu titilinn.] Hvort trúir þú – að lífið sé tilkomið vegna þróunar eða sköpunar? [Hlustaðu af athygli á svar húsráðanda og spyrðu síðan aukaspurningar, eins og: ,Hvernig komstu að þessari niðurstöðu?‘ Reyndu að komast að því hvers vegna húsráðandinn hefur þessa skoðun. Sýndu honum síðan bls. 2 og lestu fyrstu og síðustu setninguna í grein 3 til að útskýra tilgang bæklingsins og hvetja húsráðanda til að lesa hann. Að lokum skaltu leggja grunn að endurheimsókn.] Mig langar að koma aftur og sýna þér atriði í bæklingnum sem hafa styrkt mína trú.“

Varðturninn júlí-ágúst

„Við erum að heimsækja fólk stuttlega til að vekja áhuga á Biblíunni. Margir telja að nútímavísindi sýni fram á að Biblían sé óáreiðanleg. Hvaða skoðun hefur þú á Biblíunni? Heldur þú að það sé hægt að treysta því sem stendur í henni? [Gefðu kost á svari.] Taktu eftir þessu athyglisverða dæmi sem sýnir hvað Biblían er vísindalega nákvæm. [Lestu Job 26:7.] Í þessu blaði er skoðað hvernig vísindin og Biblían samræmast.“

Vaknið! júlí-ágúst

„Þar sem margir eiga við veikindi að stríða erum við stuttlega að banka upp á hjá fólki til að sýna uppörvandi biblíuvers. [Lestu Jesaja 33:24a.] Hvernig heldur þú að lífið yrði ef við myndum aldrei veikjast? [Gefðu kost á svari.] Þangað til þessi spádómur rætist getum við stuðlað að bættri heilsu með því að tileinka okkur fimm atriði sem er fjallað um í þessu blaði.“