Umgöngumst þá sem elska Jehóva

Af hverju ættum við að umgangast þá sem elska Jehóva? Af því að félagsskapurinn sem við veljum okkur hefur annað hvort jákvæð eða neikvæð áhrif á okkur. (Okv 13:20) Til dæmis gerði Jóas konungur „það sem rétt var í augum Drottins“ á meðan hann hafði félagsskap við Jójada æðsta prest. (2Kr 24:2) Eftir að Jójada dó yfirgaf Jóas Jehóva vegna þess að hann var í vondum félagsskap. – 2Kr 24:17–19.

Á fyrstu öldinni líkti Páll postuli kristna söfnuðinum við ,stórt heimili‘ og bræðrum og systrum í söfnuðinum við ,ker‘ til heimilisnota. Við verðum „ker til viðhafnar“ þegar við forðumst náin félagsskap við hvern þann sem er Jehóva vanþóknanlegur, jafnvel þótt hann sé í fjölskyldu okkar eða söfnuðinum. (2Tí 2:20, 21) Þess vegna skulum við halda áfram að rækta vináttu við þá sem elska Jehóva og hvetja okkur til að þjóna honum.

HORFÐU Á MYNDSKEIÐIÐ LÆRUM AÐ HAFNA SLÆMUM FÉLAGSSKAP OG SVARAÐU SÍÐAN EFTIRFARANDI SPURNINGUM:

• Hvernig gætum við verið í vondum félagsskap án þess að átta okkur á því?

• Hvað hjálpaði vottunum þremur í myndskeiðinu að hætta að vera í slæmum félagsskap?

• Hvaða meginreglur í Biblíunni geta hjálpað þér að sýna skynsemi þegar þú velur þér vini?