Vilt þú sækja um í Skólann fyrir boðbera Guðsríkis?

Ertu á aldrinum 23–65 ára og þjónarðu í fullu starfi? Ertu við góða heilsu og geturðu þjónað þar sem þörf er á boðberum? Ef svarið er já hefurðu þá hugleitt að sækja um í Skólann fyrir boðbera Guðsríkis? Síðan skólinn hóf göngu sína hafa þúsundir hjóna, einhleypra bræðra og einhleypra systra sótt um. Það er samt sem áður þörf á að fleiri einhleypir bræður sæki um. Biddu Jehóva að gefa þér enn meiri löngun til að þóknast honum og líkja eftir syni hans. (Sl 40:9; Mt 20:28; Heb 10:7) Hugleiddu svo hvernig þú gætir fækkað veraldlegum og persónulegum skuldbindingum til að geta sótt um.

Hvaða tækifæri í þjónustunni hafa boðist nemendum að náminu loknu? Sumir hafa verið beðnir að þjóna á erlendum málsvæðum eða að taka þátt í sérstöku boðunarstarfi meðal almennings í stórborgum. Seinna meir hafa sumir þjónað sem staðgenglar farandhirða, farandhirðar eða trúboðar. Þegar þú íhugar hvað þú gætir gert í þjónustu Jehóva skaltu hugsa eins og Jesaja spámaður sem sagði: „Hér er ég. Send þú mig.“ – Jes 6:8.

HORFÐU Á MYNDSKEIÐIÐ TRÚBOÐAR – VERKAMENN VIÐ UPPSKERUNA OG SVARAÐU SÍÐAN EFTIRFARANDI SPURNINGUM:

• 

  Hvernig eru trúboðar valdir?

• 

  Hvaða góða starf vinna trúboðar?

• 

  Hvaða blessun hefur trúboðsstarf í för með sér?