Notaðu „andlega gjöf“ þína

Við kunnum öll vel að meta uppörvunina sem við fáum frá bræðrum okkar og systrum. En til þess að fá hana þurfum við að gera meira en að verja tíma með þeim. Biblían talar um að við gefum „andlega gjöf“ þegar við styrkjum hvert annað í trúnni. (Rómv. 1:11, 12) Hvernig getum við notað þessa gjöf sem best?

Vertu uppörvandi í tali. Við getum til dæmis með svörum okkar á samkomum beint athyglinni að Jehóva, orði hans og þjónum hans frekar en að sjálfum okkur. Þegar við tölum við trúsystkini okkar getum við ákveðið að tala um það sem byggir upp.

Uppörvaðu aðra með ákvörðunum þínum og því sem þú gerir. Sumir hafa til dæmis ákveðið að vera áfram í fullu starfi í þjónustu Jehóva þrátt fyrir erfiðleika. Aðrir mæta reglulega á samkomur í miðri viku þrátt fyrir vinnuálag eða heilsubrest.

Uppörvar þú trúsystkini þín með orðum þínum og verkum? Og ertu vakandi fyrir andlegum gjöfum frá öðrum?