Jeremía

39 Á níunda stjórnarári Sedekía Júdakonungs, í tíunda mánuðinum, kom Nebúkadnesar* konungur Babýlonar ásamt öllum her sínum til Jerúsalem og settist um hana.+

2 Á 11. stjórnarári Sedekía, á níunda degi fjórða mánaðarins, var brotið skarð í borgarmúrinn.+ 3 Allir höfðingjar Babýlonarkonungs komu inn í borgina og settust niður í Miðhliðinu.+ Það voru þeir Nergalsareser samgar,* Nebúsarsekím yfirhirðstjóri,* Nergalsareser rabmag* og allir hinir höfðingjar Babýlonarkonungs.

4 Þegar Sedekía Júdakonungur og allir hermennirnir sáu þá lögðu þeir á flótta+ og yfirgáfu borgina um nóttina. Þeir fóru í gegnum garð konungs og út um hliðið milli múranna tveggja og héldu í átt að Araba.+ 5 En her Kaldea elti þá og náði Sedekía á eyðisléttum Jeríkó.+ Þeir tóku hann til fanga og fóru með hann til Nebúkadnesars* Babýlonarkonungs í Ribla+ í Hamathéraði+ þar sem hann kvað upp dóm yfir honum. 6 Konungur Babýlonar lét drepa syni Sedekía fyrir augum hans þar í Ribla. Hann lét einnig drepa alla tignarmenn í Júda.+ 7 Síðan blindaði hann Sedekía og setti hann í koparhlekki til að flytja hann til Babýlonar.+

8 Því næst brenndu Kaldear höll* konungs og hús almennings+ og rifu niður múra Jerúsalem.+ 9 Nebúsaradan+ varðforingi flutti þá sem eftir voru í borginni í útlegð til Babýlonar og einnig liðhlaupana sem höfðu slegist í lið með honum og alla aðra sem eftir voru.

10 En Nebúsaradan varðforingi skildi eftir í Júdalandi nokkra af fátækustu íbúunum, þá sem áttu ekki neitt. Á þeim degi gaf hann þeim einnig víngarða og akra til að rækta.*+

11 Nebúkadnesar* Babýlonarkonungur gaf Nebúsaradan varðforingja þessi fyrirmæli um Jeremía: 12 „Sæktu hann og hugsaðu vel um hann. Gerðu honum ekkert mein og gerðu fyrir hann allt sem hann biður þig um.“+

13 Nebúsaradan varðforingi, Nebúsasban yfirhirðstjóri,* Nergalsareser rabmag* og allir forystumenn Babýlonarkonungs sendu þá menn 14 til að sækja Jeremía í Varðgarðinn.+ Þeir fóru með hann til Gedalja,+ sonar Ahíkams+ Safanssonar,+ sem átti að fara með hann heim til sín. Jeremía bjó síðan meðal fólksins.

15 Meðan Jeremía var í haldi í Varðgarðinum+ kom orð Jehóva til hans: 16 „Farðu og segðu við Ebed Melek+ Eþíópíumann: ‚Jehóva hersveitanna, Guð Ísraels, segir: „Ég læt orð mín um þessa borg rætast og færi henni ógæfu en ekki blessun. Daginn sem það gerist verður þú vitni að því.“‘

17 ‚En ég bjarga þér á þeim degi,‘ segir Jehóva, ‚og þú verður ekki gefinn í hendur mannanna sem þú óttast.‘

18 ‚Ég læt þig komast undan og þú munt ekki falla fyrir sverði. Þú færð líf þitt að herfangi*+ af því að þú treystir mér,‘+ segir Jehóva.“