SÖNGUR 29
Lifum á verðugan hátt
Prentuð útgáfa
1. Dýrðlegi Jehóva, alvaldur ertu,
alger í réttlæti, ástríkur mjög.
Uppspretta sannleikans og æðstu speki,
eilífi Drottinn, þú setur góð lög.
Yndi við höfum af þjónustu þinni,
þess vegna sannleikann boðum og sátt.
(VIÐLAG)
Hvílíkur heiður að þjóna sem vottar,
hljótum að lifa á verðugan hátt.
2. Saman við berum þinn boðskap til manna,
bræðrabönd styrkjast og það eflir ást.
Aðra við fræðum en fróð verðum líka,
fögnuð það veitir er menn að þér dást.
Á nafni þínu við þekkjumst hér, faðir,
þinn hróður aukum, það skilið þú átt.
(VIÐLAG)
Hvílíkur heiður að þjóna sem vottar,
hljótum að lifa á verðugan hátt.
(Sjá einnig 5. Mós. 32:4; Sálm 43:3; Dan. 2:20, 21.)