SÖNGUR 139
Sjáðu sjálfan þig í nýja heiminum
1. Ó, sjáðu þig og sjáðu mig,
hver sjái í nýja heiminum sig.
Og láttu hug þinn líða við
að lifa frjáls og við sannan frið.
Þeir illu fá þar engan stað
því algóð stjórn Drottins ein kemst að.
Já, þá verða þáttaskil jörðinni á
og þakkarorð hljóma þá
allra vörum frá:
(VIÐLAG)
„Við þökkum þér, Guð, þín dásemdarverk,
allt nýtt og gott undir stjórn Krists er gert.
Þér syngur lof hvert hjarta sem barmafullt er
því lofgjörðin, dýrðin og viskan heyrir þér.“
2. Nú sjáðu þig og sjáðu mig,
já, sjáðu Guðsríkis lífsgæðastig.
Og engin hljóð við óttumst þá
og ekki neitt sem við munum sjá.
Allt hefur ræst, já, allt sem eitt,
nú yfir mannkyn er tjald Guðs breitt.
Með sérhverjum þeim sem af „svefni“ upp rís
þér syngjum af þakklæti
söng í paradís:
(VIÐLAG)
„Við þökkum þér, Guð, þín dásemdarverk,
allt nýtt og gott undir stjórn Krists er gert.
Þér syngur lof hvert hjarta sem barmafullt er
því lofgjörðin, dýrðin og viskan heyrir þér.“
(Sjá einnig Sálm 37:10, 11; Jes. 65:17; Jóh. 5:28; 2. Pét. 3:13.)