Leitaðu að verðugum
1 Það er áskorun að sinna boðunarstarfinu sem Jesús fól okkur. Hann sagði: „Hvar sem þér komið í borg eða þorp, spyrjist þá fyrir um, hver þar sé verðugur.“ (Matt. 10:11) En hvernig getum við náð árangri í leitinni að verðugum þar sem fólk er sífellt minna heima við?
2 Kannaðu starfssvæðið: Byrjaðu á því að kanna svæðið þitt. Hvenær er líklegast að fólk sé heima? Hvar er það að finna á daginn? Er einhver ákveðinn dagur vikunnar eða tími dags sem hentar þeim betur en annar? Með því að laga boðunarstarf þitt að aðstæðum og venjum fólksins á svæðinu geturðu náð meiri árangri. — 1. Kor. 9:23, 26.
3 Mörgum boðberum hefur gengið vel að hitta fólk heima snemma á kvöldin. Á þeim tíma dags eru húsráðendur oft afslappaðir og fúsir til að hlusta. Í mesta skammdeginu getur verið gott að vitna í síma á kvöldin ef það er leyfilegt. Það er líka hægt að koma fagnaðarerindinu til fólks með því að fara í götu- eða fyrirtækjastarf.
4 Í söfnuði nokkrum var gert sértakt átak einn mánuðinn. Skipulagt var síðdegisstarf laugardaga og sunnudaga og kvöldstarf miðvikudaga og föstudaga. Söfnuðurinn skipulagði líka símastarf og fyrirtækjastarf. Þetta vakti svo mikinn áhuga á boðunarstarfinu að söfnuðurinn ákvað að halda þessu áfram.
5 Fylgdu áhuganum eftir: Ef erfitt er að hitta fólk heima þegar þú ferð í endurheimsóknir skaltu reyna að ákveða tíma til að hitta húsráðanda aftur í lok hverrar heimsóknar — jafnvel þegar þú hittir viðkomandi í fyrsta skipti. Stattu svo við það að koma aftur. (Matt. 5:37) Þú gætir líka beðið um símanúmer húsráðanda ef það á við. Það getur auðveldað þér að ná sambandi við hann aftur.
6 Við getum verið viss um að Jehóva blessar okkur þegar við leggjum okkur fram um að leita að verðugum og fylgja áhuganum eftir. — Orðskv. 21:5.