Hvers vegna eru til illska og þjáningar?

Þegar eitthvað slæmt gerist er eðlilegt að spyrja: „Af hverju gerðist þetta?“ Við erum mjög ánægð að Biblían skuli hafa skýrt svar við þessari spurningu.

1. Hvað gerði Satan sem varð til þess að illskan kom til sögunnar?

Satan Djöfullinn gerði uppreisn gegn Guði. Satan vildi drottna yfir öðrum og fékk því Adam og Evu til að gera uppreisn með sér. Hann gerði það með því að ljúga að Evu. (1. Mósebók 3:1–5) Hann fékk hana til að halda að Jehóva neitaði henni um eitthvað gott. Hann gaf í skyn að mennirnir yrðu hamingjusamari ef þeir hlýddu ekki Guði. Satan var fyrstur til að ljúga þegar hann sagði Evu að hún myndi ekki deyja. Þess vegna segir Biblían að Satan sé „lygari og faðir lyginnar“. – Jóhannes 8:44.

2. Hvað völdu Adam og Eva að gera?

Jehóva var mjög örlátur við Adam og Evu. Hann sagði að þau mættu borða af öllum trjám í Edengarðinum nema einu. (1. Mósebók 2:15–17) En þau ákváðu samt að borða ávöxtinn af því tré. Eva „tók af ávexti þess og borðaði“. Seinna borðaði Adam einnig af ávextinum. (1. Mósebók 3:6) Þau óhlýðnuðust Guði bæði tvö. Vegna þess að Adam og Eva voru fullkomin var þeim eðlislægt að gera það sem er rétt. En með því að óhlýðnast Guði af ásettu ráði syndguðu þau og höfnuðu yfirráðum hans. Sú ákvörðun olli þeim miklum þjáningum. – 1. Mósebók 3:16–19.

3. Hvernig hefur ákvörðun Adams og Evu haft áhrif á okkur?

Þegar Adam og Eva syndguðu urðu þau ófullkomin. Þar af leiðandi gáfu þau öllum afkomendum sínum ófullkomleika í arf. Biblían segir um Adam: „Syndin kom inn í heiminn með einum manni og dauðinn með syndinni. Þannig barst dauðinn til allra manna.“ – Rómverjabréfið 5:12.

Það eru ýmsar ástæður fyrir því að við þjáumst. Stundum þjáumst við vegna þess að við tökum slæmar ákvarðanir. Stundum þjáumst við vegna þess að aðrir taka slæmar ákvarðanir. Og stundum þjáumst við vegna þess að við erum á röngum stað á röngum tíma. – Lestu Prédikarann 9:11.

KAFAÐU DÝPRA

4. Hver er ábyrgur fyrir þjáningum okkar?

Margir halda að Guð stjórni öllum heiminum. Er það rétt? Spilið MYNDBANDIÐ.

MYNDBAND: Hver stjórnar heiminum? (1:24)

Lesið Jakobsbréfið 1:13 og 1. Jóhannesarbréf 5:19 og ræðið síðan eftirfarandi spurningu:

• Er Guð ábyrgur fyrir þjáningum og illsku?

5. Hvaða afleiðingar hefur stjórn Satans haft?

MYNDBAND: Af hverju leyfir Guð þjáningar? – útdráttur (3:07)

Lesið 1. Mósebók 3:1–6 og ræðið síðan eftirfarandi spurningar:

• Hverju laug Satan? – Sjá 4. og 5. vers.

• Hvernig gaf Satan í skyn að Jehóva neitaði mönnunum um eitthvað gott?

• Hvernig gaf Satan í skyn að mennirnir þyrftu ekki að vera undir stjórn Jehóva til að vera hamingjusamir?

Lesið Prédikarann 8:9 og ræðið síðan eftirfarandi spurningu:

• Hvað hefur gerst á meðan Jehóva stjórnar ekki heiminum?

1. Adam og Eva voru fullkomin og áttu heima í paradís. En þau hlustuðu á Satan og gerðu uppreisn gegn Jehóva.

2. Með uppreisninni komu synd, þjáningar og dauði inn í heiminn.

3. Jehóva bindur enda á synd, þjáningar og dauða. Þá verður mannkynið aftur fullkomið og í paradís.

6. Jehóva stendur ekki á sama um þjáningar okkar

Tekur Guð eftir þjáningum okkar? Sjáðu hvað Davíð konungur og Pétur postuli skrifuðu. Lesið Sálm 31:7 og 1. Pétursbréf 5:7 og ræðið síðan eftirfarandi spurningu:

• Hvernig líður þér að vita að Jehóva tekur eftir þjáningum okkar og stendur ekki á sama um þær?

SAMANTEKT

Satan Djöfullinn og Adam og Eva bera meginábyrgð á illskunni í heiminum. Jehóva stendur alls ekki á sama um þjáningar okkar og hann ætlar bráðlega að binda enda á þær og öll áhrif þeirra.

Upprifjun

• Hverju laug Satan Djöfullinn að Evu?

• Hvernig hefur uppreisn Adams og Evu haft áhrif á okkur öll?

• Hvernig vitum við að Jehóva stendur ekki á sama um þjáningar okkar?

KANNAÐU

Skoðaðu hvernig Biblían skilgreinir synd.

„Hvað er synd?“ (Vefgrein)

Lestu meira um deilumálið sem Satan Djöfullinn vakti upp í Edengarðinum.

„Af hverju leyfir Guð þjáningar?“ (Varðturninn 1. mars 2014)

Kynntu þér hughreystandi svar við erfiðri spurningu.

„Hvers vegna átti helförin gegn Gyðingum sér stað? Hvers vegna kom Guð ekki í veg fyrir hana?“ (Vefgrein)

Sjáðu hvað maður nokkur lærði um þær þjáningar sem hann sá í kringum sig.

Ég stend ekki lengur einn (5:09)

Við syndgum, þjáumst og deyjum vegna þess að fyrstu mennirnir, Adam og Eva, óhlýðnuðust Guði.a En við erum ekki í vonlausri stöðu. Jehóva sendi son sinn, Jesú Krist, til jarðarinnar til að deyja fyrir okkur svo að við gætum losnað undan bölvun syndar og dauða. Biblían kennir að Jesús hafi gefið líf sitt sem lausnargjald. Lausnargjald er það gjald sem er greitt til að leysa einhvern úr haldi. Það gjald sem Jesús greiddi var andvirði fullkomins lífs hans sem maður. (Lestu Matteus 20:28.) Jesús fæddist fullkominn og átti þess vegna rétt á að lifa að eilífu á jörðinni. En hann afsalaði sér fúslega þeim rétti og opnaði með því leiðina fyrir okkur til að endurheimta allt það sem Adam og Eva glötuðu. Jesús sýndi einnig hve heitt hann og Jehóva elska okkur. Þessi kafli hjálpar þér að dýpka þakklæti þitt fyrir dauða Jesú.

1. Hvernig getur dauði Jesú verið okkur til góðs núna?

Við gerum margt sem Jehóva er ekki ánægður með vegna þess að við erum syndug. En við getum átt náið vináttusamband við Guð ef við iðrumst synda okkar í einlægni, biðjum Jehóva að fyrirgefa okkur fyrir milligöngu Jesú Krists og gerum okkar besta til að endurtaka ekki mistökin. (1. Jóhannesarbréf 2:1) Í Biblíunni segir: „Kristur dó fyrir syndir í eitt skipti fyrir öll, réttlátur maður fyrir rangláta, til að leiða ykkur til Guðs.“ – 1. Pétursbréf 3:18.

2. Hvernig getur dauði Jesú verið okkur til góðs í framtíðinni?

Jehóva sendi Jesú til að fórna fullkomnu lífi sínu „til þess að þeir sem trúa á [Jesú] farist ekki heldur hljóti eilíft líf“. (Jóhannes 3:16) Vegna þess sem Jesús gerði mun Jehóva bráðlega gera að engu allt það slæma sem óhlýðni Adams hefur valdið. Það þýðir að ef við sýnum að við trúum á fórn Jesú eigum við kost á því að lifa að eilífu í paradís á jörðinni. – Jesaja 65:21–23.

KAFAÐU DÝPRA

3. Dauði Jesú leysir okkur undan synd og dauða

MYNDBAND: Hvers vegna dó Jesús? – 1. hluti (2:01)

• Af hvaða tækifæri missti Adam þegar hann óhlýðnaðist Guði?

Lesið Rómverjabréfið 5:12 og ræðið síðan eftirfarandi spurningu:

• Hvaða áhrif hefur synd Adams haft á líf þitt?

Lesið Jóhannes 3:16 og ræðið síðan eftirfarandi spurningu:

• Hvers vegna sendi Jehóva son sinn til jarðarinnar?

1. Adam var fullkominn maður sem óhlýðnaðist Guði og þess vegna syndga menn og deyja.

2. Jesús var fullkominn maður sem hlýddi Guði og þess vegna hafa menn tækifæri til að verða fullkomnir og lifa að eilífu.

4. Allir geta notið góðs af dauða Jesú

MYNDBAND: Hvers vegna dó Jesús? – 2. hluti (2:00)

• Hvernig gat dauði eins manns komið öllum að gagni?

Lesið 1. Tímóteusarbréf 2:5, 6 og ræðið síðan eftirfarandi spurningu:

• Adam var fullkominn maður en vegna þess að hann syndgaði syndga allir menn og deyja. Jesús var líka fullkominn maður. Hvernig var hann „samsvarandi lausnargjald“?

5. Lausnarfórnin er gjöf Jehóva til þín

Vinir Jehóva líta á lausnarfórnina sem persónulega gjöf. Lesið Galatabréfið 2:20 til að sjá dæmi um það og ræðið síðan eftirfarandi spurningu:

• Hvernig lét Páll postuli í ljós að hann leit á lausnarfórnina sem persónulega gjöf til sín?

Þegar Adam syndgaði urðu hann og allir afkomendur hans dauðadæmdir. En Jehóva sendi son sinn til að deyja svo að þú ættir kost á að lifa að eilífu.

Þegar þið lesið eftirfarandi vers skaltu reyna að ímynda þér hvernig Jehóva hlýtur að hafa liðið þegar sonur hans þjáðist. Lesið Jóhannes 19:1–7, 16–18 og ræðið síðan eftirfarandi spurningu:

• Hvað finnst þér um það sem Jehóva og Jesús gerðu fyrir þig?

SAMANTEKT

Dauði Jesú er grundvöllurinn fyrir því að Jehóva fyrirgefur syndir okkar og gefur okkur möguleikann á að lifa að eilífu.

Upprifjun

• Hvers vegna dó Jesús?

• Hvernig var fullkomið mannslíf Jesú „samsvarandi lausnargjald“?

• Hvernig getur dauði Jesú verið þér til góðs?

KANNAÐU

Kynntu þér hvers vegna fullkomið mannslíf Jesú er kallað lausnargjald.

„Hvernig getur fórn Jesú verið ‚til lausnargjalds fyrir alla‘?“ (Vefgrein)

Lestu um hvað við þurfum að gera til að bjargast.

„Hvernig frelsar Jesús?“ (Vefgrein)

Getur Jehóva fyrirgefið mjög alvarlegar syndir?

„Biblíuspurningar og svör“ (Varðturninn 1. júlí 2013)

Lestu um hvernig fórn Krists hjálpaði manni að gera breytingar á persónuleika sínum.

„Ég er ekki lengur þræll ofbeldis“ (Vefgrein)