Jehóva er skipulagður Guð. (1. Korintubréf 14:33) Við megum því búast við að þjónar hans séu skipulagðir. Hvernig er kristni söfnuðurinn skipulagður? Hvernig getum við stuðlað að velgengni hans?

1. Hver er höfuð safnaðarins?

„Kristur er höfuð safnaðarins.“ (Efesusbréfið 5:23) Frá himni hefur hann umsjón með starfsemi þjóna Jehóva um allan heim. Jesús útnefndi ‚hinn trúa og skynsama þjón‘ – lítinn hóp reyndra öldunga sem er einnig þekktur sem stjórnandi ráð. (Lestu Matteus 24:45–47.) Stjórnandi ráð gefur söfnuðinum um allan heim leiðbeiningar líkt og postularnir og öldungarnir í Jerúsalem á fyrstu öld. (Postulasagan 15:2) En þessir menn eru ekki leiðtogar safnaðarins. Þeir leita leiðsagnar hjá Jehóva og í orði hans og lúta forystu Jesú.

2. Hvert er hlutverk öldunganna?

Öldungar eru þroskaðir kristnir menn sem kenna út frá Biblíunni og gæta þjóna Jehóva með því að hjálpa þeim og hvetja þá. Þeir fá ekki borgað fyrir það sem þeir gera heldur þjóna þeir „af fúsu geði frammi fyrir Guði, ekki af gróðafíkn heldur af áhuga“. (1. Pétursbréf 5:1, 2) Öldungar fá aðstoð frá safnaðarþjónum, en þeir geta með tímanum sjálfir orðið hæfir til að þjóna sem öldungar.

Stjórnandi ráð útnefnir suma öldunga sem farandhirða. Þeir heimsækja söfnuði til að leiðbeina þeim og hvetja. Farandhirðar útnefna bræður sem uppfylla hæfniskröfur Biblíunnar öldunga og safnaðarþjóna. – 1. Tímóteusarbréf 3:1–10, 12; Títusarbréfið 1:5–9.

3. Hvaða hlutverk hefur hver og einn vottur?

Allir í söfnuðinum ‚lofa nafn Jehóva‘ með því að taka þátt í safnaðarsamkomum og boða trúna eftir bestu getu. – Lestu Sálm 148:12, 13.

KAFAÐU DÝPRA

4. Jesús er ljúfur leiðtogi

Jesús gefur okkur hlýlegt boð. Lesið Matteus 11:28–30 og ræðið síðan eftirfarandi spurningu:

• Hvernig vill Jesús að okkur líði undir forystu hans?

MYNDBAND: Öldungar bregðast við jarðskjálfta í Nepal (4:56)

Í Biblíunni eru skýrar leiðbeiningar um hvernig öldungar ættu að sinna hlutverki sínu.

Lesið Jesaja 32:2 og 1. Pétursbréf 5:1–3 og ræðið síðan eftirfarandi spurningar:

• Hvað finnst þér um að öldungarnir leitast við að endurnæra aðra eins og Jesús gerði?

• Á hvaða fleiri vegu líkja öldungarnir eftir Jesú?

5. Öldungar kenna með fordæmi sínu

MYNDBAND: Öldungar, farið með forystuna (7:39)

Jesús segir þeim sem fara með forystuna í söfnuðinum hvernig þeir eiga að gera það. Lesið Matteus 23:8–12 og ræðið síðan eftirfarandi spurningu:

• Hvað finnst þér áhugavert við muninn á þeim kröfum sem Biblían gerir til öldunga og því sem þú hefur tekið eftir í fari presta og annarra trúarleiðtoga?

1. Öldungar halda sambandi sínu við Jehóva sterku og hjálpa fjölskyldum sínum að gera það líka.

2. Öldungar láta sér annt um alla í söfnuðinum.

3. Öldungar taka reglulega þátt í boðuninni.

4. Öldungar eru kennarar. En þeir hjálpa einnig til við þrif og önnur verkefni.

6. Við getum unnið með öldungunum

Biblían bendir á mikilvæga ástæðu fyrir því að vinna með öldungunum. Lesið Hebreabréfið 13:17 og ræðið síðan eftirfarandi spurningar:

• Er sanngjarnt að Biblían skuli hvetja okkur til að vera hlýðin og undirgefin þeim sem fara með forystuna? Hvers vegna?

Lesið Lúkas 16:10 og ræðið síðan eftirfarandi spurningu:

• Hvers vegna er mikilvægt að vinna með öldungunum, jafnvel í málum sem virðast smávægileg?

SAMANTEKT

Jesús er höfuð safnaðarins. Við erum fús til að vinna með öldungunum, sem eru honum undirgefnir, vegna þess að þeir endurnæra okkur og kenna okkur með fordæmi sínu.

Upprifjun

• Hver er höfuð safnaðarins?

• Hvernig hjálpa öldungarnir söfnuðinum?

• Hvert er hlutverk hvers og eins tilbiðjanda Jehóva?

KANNAÐU

Sjáðu hve mikla umhyggju bræðurnir í stjórnandi ráði og aðrir öldungar bera fyrir trúsystkinum nú á dögum.

Að styrkja trúsystkini á bannárum (4:22)

Kynnstu störfum farandhirða.

Líf farandhirðis á afskekktu svæði (4:51)

Lestu um hlutverk kvenna í söfnuðinum.

„Taka konur sem eru vottar Jehóva þátt í að kenna?“ (Grein úr Varðturninum)

Kynntu þér hvernig öldungar leggja sig fram um að uppörva trúsystkini sín.

„Safnaðaröldungar – samverkamenn að gleði okkar“ (Varðturninn 15. janúar 2013)

1. Hvaða ráð gefur Biblían eiginmönnum?

Jehóva hefur falið eiginmanninum að vera höfuð fjölskyldunnar. (Lestu Efesusbréfið 5:23.) Jehóva ætlast til þess að hann taki ákvarðanir sem eru fjölskyldunni til góðs. Biblían segir eiginmönnum: „Elskið eiginkonur ykkar.“ (Efesusbréfið 5:25) Hvað felur það í sér? Maður sem elskar konuna sína kemur vel fram við hana, bæði heima og innan um aðra. Hann gerir sitt besta til að hún finni til öryggis og annast líkamlegar og tilfinningalegar þarfir hennar. (1. Tímóteusarbréf 5:8) Og það sem mestu máli skiptir er að hann tekur forystuna í að sjá fyrir andlegum þörfum hennar. (Matteus 4:4) Hann getur til dæmis beðið til Jehóva og lesið í Biblíunni með konunni sinni. Þegar eiginmaður elskar og annast konuna sína viðheldur hann góðu sambandi við Jehóva. – Lestu 1. Pétursbréf 3:7.

Jesús er höfuð safnaðarins. (Efesusbréfið 5:23) Jesús er núna á himnum og hann leiðir fylgjendur sína á jörðinni fyrir milligöngu ‚hins trúa og skynsama þjóns‘. (Lestu Matteus 24:45.) Þjónninn hefur fengið umboð frá Jesú og hefur þar með ákveðið vald. En hann er samt þjónn Krists og þjónar bræðrum hans. Hver er þjónninn og hvernig annast hann okkur?