Tökum framförum í boðunarstarfinu – boðum fagnaðarerindið í dyrasíma

Af hverju er það mikilvægt? Það getur virst mjög erfitt að boða fagnaðarerindið í dyrasíma. Hvað getum við gert til að láta það ekki draga úr kostgæfni okkar? Höfum í huga að eina leiðin til að ná til sumra með fagnaðarerindið er í dyrasíma. (Rómv. 10:14) Reynslan sýnir að það er hægt að boða fagnaðarerindið á árangursríkan hátt með þessum hætti. (Sjá árbókina 2011 bls. 65-66 og árbókina 2000 bls. 54 gr. 3.) Íhugaðu eftirfarandi tillögur:

Hvernig förum við að?

Undirbúðu stutta kynningu og hafðu hana útskrifaða svo þú getir lesið hana fyrir húsráðanda í dyrasímann. Það getur veitt þér meira sjálfsöryggi. Byrjaðu á því að útskýra tilgang heimsóknarinnar. Notaðu nafn húsráðanda ef upplýsingar eru fyrir hendi. Ljúktu með því að bjóðast til að afhenda smárit eða blað sem veitir meiri upplýsingar eða setja það í póstkassann.
Vertu jákvæður. Brostu og notaðu tilburði og látbragð eins og þú værir að ræða við húsráðanda augliti til auglitis.
Slakaðu á og fáðu húsráðanda með í samræðurnar. Talaðu nægilega hátt og skýrt. Hafðu ekki óþarfa þagnir en talaðu heldur ekki of hratt.
Sýndu dómgreind. Í stórum blokkum geta verið mjög margir dyrasímar. Stundum gæti verið best að hringja bara fáeinum þeirra í hvert sinn, skrifa það síðan hjá sér og fara. Það gæti vakið tortryggni íbúanna ef við stöldrum lengi við í anddyrinu til þess að hringja á hverja einustu bjöllu.

Prófaðu eftirfarandi í mánuðinum:

Hafið smá æfingu fyrir boðunarstarfið í tilbeiðslustund fjölskyldunnar og látið þátttakendur snúa baki hvor í annan.