ÞJÁLFUNARLIÐUR 2

Samtalsform

2. Korintubréf 2:17

YFIRLIT: Talaðu á eðlilegan og einlægan hátt sem endurspeglar viðhorf þitt til umræðuefnisins og áheyrenda þinna.

Undirbúðu þig vandlega og í bæn. Biddu Jehóva um hjálp til að einbeita þér að því sem þú ætlar að segja en ekki sjálfum þér. Hafðu meginatriðin sem þú ætlar að benda á skýrt í huga. Settu efnið fram með eigin orðum í stað þess að lesa upp orð fyrir orð.

Ef þú ætlar að lesa beint upp úr Biblíunni eða öðru riti skaltu kynna þér efnið vel til að geta lesið það reiprennandi. Ef þú vitnar í orð annarra ættirðu að lesa með tilfinningu en forðast of mikil tilþrif.
Talaðu frá hjartanu. Veltu fyrir þér hvers vegna áheyrendur þínir þurfa að heyra boðskapinn. Einbeittu þér að áheyrendum. Þá mun líkamsstaða, látbragð og svipbrigði endurspegla einlægni og hlýju.

Ekki rugla því saman að vera eðlilegur og kæruleysislegur. Sýndu boðskapnum virðingu með því að tala skýrt og rétt mál.
Horfðu á áheyrendur. Hafðu augnasamband ef það þykir viðeigandi. Horfðu á einn áheyranda í einu þegar þú flytur ræðu, í stað þess að horfa eða skima yfir allan hópinn.