Sjónvarpskappræða um Votta Jehóva

Á árunum 2000 og 2001 var gerð árás á Votta Jehóva í Georgíu, fyrrverandi lýðveldi Sovétríkjanna. Vinsæl sjónvarpsstöð í Georgíu sýndi kappræðu milli stjórnmálamanns, sem vildi láta banna Vottana, og prófessors sem hafði verið falið af dómstólum að rannsaka rit Vottanna.

Prófessorinn svaraði árásarhrinu stjórnmálamannsins á trú Vottanna og sagði ásakanir hans vera „markleysu.“ Þar næst sagði hann: „Ég skal sýna ykkur hverju Vottar Jehóva trúa,“ og um leið lyfti hann upp bókinni Þekking sem leiðir til eilífs lífs svo að sjónvarpsáhorfendur sæju.

Prófessorinn las síðan fyrstu grein bókarinnar en lokaorð greinarinnar eru: „Mörgum virðist lífið hins vegar bjóða aðeins upp á hvert alvarlega vandamálið á fætur öðru. Ef það á við um þig skaltu þó ekki láta hugfallast.“

Þetta rit bendir á svör Biblíunnar við spurningum sem brenna á vörum margra. Meðal kaflaheita eru: „Hver er hinn sanni Guð?,“ „Hvers vegna hrörnum við og deyjum?“ og „Hvers vegna leyfir Guð þjáningar?“

Langar þig að fá eintak af þessari bók (192 blaðsíður) svo þú getir skoðað hana sjálfur? Þú getur eignast hana með því að útfylla og senda miðann hér að neðan.

□ Vinsamlegast sendið mér bókina Þekking sem leiðir til eilífs lífs.

□ Vinsamlegast hafið samband við mig varðandi ókeypis biblíunámskeið.