Re Ebi A Ha Rẹ Re Ọle Wẹnna Yẹ Man

Proverbs 3:21

EBI UWẸ HA LU: Rẹkpa ene uwẹ ne talọ rẹ lẹn ebi ọta nin uwẹ rẹman rẹ rẹtẹ ele yẹ bhi iẹnlẹn. Rẹman ele ebi ele ha rẹ noo ebi ele luẹle yẹ.

EBI A RẸ LU ỌLE YẸ:

• Ha mhọn eria nin uwẹ ha ne talọ bhi ọkhọle. Ria eria nyan ebezẹle nọn da khẹke nin ene uwẹ ne talọ họn ọne ọta nin uwẹ ha rẹman. Guanọ ije ha manman rẹkpa ele bhi ọne ọta.

• Beji uwẹ ha rẹ ha re ọne ọta man khian, iriọ uwẹ ha yẹ rẹ ha rẹman ene uwẹ ne talọ ebi ele ha lu. Rẹ na bhi ẹghe nin uwẹ rẹ munhẹn, rẹkpa ọdeọde bhi ẹwẹ ele rẹ ha taman egbe ọle ghe, ‘Ọnan wo rẹtẹ mẹn.’ Ẹghe nin uwẹ ha rẹ ha ne ọta kpataki ne ribhọ dagbare ọkpa-ọkpa, rẹkpa ene uwẹ ne talọ rẹ daghe ebi ele ha rẹ noo ele yẹ. Sounun bhi eji ele ha da noo ọle tee.