CHUSBʼAL 4

¿Kam kat uch veʼteʼ tul kat nimal u Txʼiʼlanajeʼ?

Kat kam veʼt aak Adáneʼ tukʼ aak Evaeʼ tan yeʼ kat inima chaʼma Aak Tiixheʼ (Génesis 3:6, 23)

U Evaeʼ ni techbʼu u vatz tzeʼeʼ as xamtik veʼteʼ kat taqʼ veʼt ixoj u vatz tzeʼeʼ te u Adaneʼ

U Evaeʼ kat inima u txʼiʼlatxoeʼ as kat techbʼu veʼt u vatz tzeʼeʼ. Xamtik veʼteʼ kat taqʼ veʼt ixoj u vatz tzeʼeʼ te u Adáneʼ as kat techbʼu veʼt naj umpajte.

U Adaneʼ tukʼ u Evaeʼ nitel veʼt chʼuʼl tu u Paraísoeʼ

Yeʼ bʼaʼn uveeʼ kat ibʼan chaʼma: umaʼl paav. As kat itilu veʼt eltzan Aak Tiixheʼ chaʼma tu Paraísoeʼ.

Kat qʼesbʼu veʼt u Adáneʼ tukʼ u Evaeʼ as kat kam veʼt chaʼma

Unqʼa veeʼ kat ipalebʼe chaʼma tukʼ unqʼa italintxaʼeʼ kʼaxkʼo chit veʼteʼ. Tul pal veʼt unqʼa qʼiieʼ, kat qʼesbʼu veʼteʼ as kat kam veʼt chaʼma. Yeʼl chaʼma kat bʼen tu almikaʼ mitaʼn tu umaʼt atimbʼal: kat kuxh sotz chaʼma.

Unqʼa kamnajeʼ niqʼaav tu pojoj as yeʼxhkam la uch ibʼanat veʼteʼ (Génesis 3:19)

Xaol uveʼ katil kuxh tzanakat as jaljol kuxh tatineʼ

Aʼ tzaanakat oʼ tiʼ aak Adáneʼ tukʼ u Evaeʼ, estiʼeʼ nukukameʼ. Unqʼa kamnajeʼ yeʼ nitiloneʼ, yeʼ nitabʼineʼ as yeʼxhkam chit la itxʼol ibʼanataʼ (Eclesiastés 9:5, 10).

Kat kam umal u qʼopo as nitoqʼ veʼt ifamilia stiʼ

Aak Jehováeʼ yeʼ nikat isaʼ Aak uvaʼ la kam unqʼa xaoleʼ. Bʼiit kuxh veʼteʼ la tulsa veʼt Aak taama unqʼa kamchileʼ. Asoj niman yol la ibʼaneʼ, la isebʼi tiʼ chit ibʼeneʼ.