SEPTEMBA 22-28

IIKLIIZIYASTIIZ 1-2

Sang 103 An Prieya | Tingz We Wi Fi Luk Out Fa Iina Di Miitn (1 min.)

DI CHREZHA DEM WE DE IINA GAD WOD

1. Gwaan Tiich Di Wan Dem We Yongga Dan Yu

(10 min.)

[Plie di VIDIYO We Tel Wi Bout Di Buk A Iikliiziyastiiz.]

Wi fi mek shuor se wi a chrien di wan dem we yongga dan wi (Iik 1:4; w17.01-E 27-28 ¶3-4)

Wen wi chrien ada piipl an gi dem wok fi du fi Jeuova, wi a mek dem si ou dem kyan api wen dem du tingz fi im (Iik 2:24)

Wan yongga elda a du di “Watchtowa” Stodi an wan uol breda we a riid a luk pan im an a sumail. — Iivn duo yu lov di wok we yu get fi du fi Jeuova, no mek dat tap yu fram chrien di breda dem we yongga dan yu

2. Di Preshos Tingz Fram Di Baibl

(10 min.)

Iik 1:1—Tel wi bout di speshal kain-a wok we Salaman did du we da vors ya taak bout. (it-E “Ecclesiastes”)

Rait yu ansa
Fi da wiik ya, tel wi som a di preshos ting dem we yu lorn fram di Baibl riidin.

Rait yu ansa

3. Di Baibl Riidin

(4 min.) Mt 17:1-13 (th-E stodi 11)

WOK AAD FI PRIICH TU PIIPL AN TIICH DEM BETA

4. Wen Wi Taak Tu Piipl Fi Di Fos Taim

(2 min.) ENIWE YU DE. Fain out wa di sumadi waahn fi taak bout. Set op tingz so dat yu kyan go bak go taak tu dem. (lmd lesn 3 paint 5)

5. Wen Wi Taak Tu Piipl Fi Di Fos Taim

(2 min.) KYAAT WOK AR A PRIICH WE NOF PIIPL DE. Du wa dem se yu fi du iina ada tingz fi luk pan—A iina di Shuo Piipl Lov pamplet, fi tel dem bout wan a di “Tingz We Wi Lov Fi Tiich Piipl Fram Di Baibl.” (lmd lesn 2 paint 3)

6. Wen Wi Go Bak Go Taak Tu Dem

(2 min.) ENIWE YU DE. Ansa wan kwestiyan we di sumadi did aks di laas taim yu taak tu dem. (lmd lesn 9 paint 5)

7. Elp Dem Fi Ton Jiizas Falara

(5 min.) KYAAT WOK AR A PRIICH WE NOF PIIPL DE. Shuo dem ou wi stodi di Baibl wid piipl an set op tingz so dat yu kyan gwaan du di stodi. (lmd lesn 10 paint 3)

DIS A OU AAL UU A FALA JIIZAS FI LIV

Sang 84

8. Chrii Sitn We Kyan Elp Yu Wen Yu A Chrien Ada Piipl

(15 min.) Taak an kwestiyan.

Som picha: Difrant difrant breda a chrien piipl. 1. Wan breda a shuo wan sista ou fi yuuz wan ilekchrik saa. 2. Wan yongga breda de a di Kindom Aal a praktis im taak an wan uolda breda av di “Apply Yourself to Reading and Teaching” pamplet iina im an an a lisn tu im. 3. Wan breda a shuo wan tiinieja ou fi chienj di bachri iina wan maik. 4. Wan faada an im tuu son dem a kliin di Kindom Aal. Di faada an im biga bwai a vakyum di stiej an di likla bwai a waip aaf di lektorn. — Wen wi av lov iina wi aat, dat wi push wi fi chrien ada piipl fi du di wok we Jeuova gi wi fi du

Di Baibl tel wi bout nof piipl we chrien ada piipl gud an wi kyan fala dem egzampl. Yu av man laik Samwel we did chrien Saal, an Ilaija we did chrien Ilaisha. Plos, Jiizas did chrien im falara dem an Paal did chrien Timoti. Bot di bes sumadi we wi kyan luk pan fi si ou wi fi chrien piipl gud a Jeuova. Wa wi kyan lorn fram im?

Plie di VIDIYO Wan Paat Fram Di Vidiyo—Du Laik Jeuova Wen Yu A Chrien Piipl (Jan 5:20). Den aks da kwestiyan ya:

Wa a chrii tingz we wi kyan lorn fram Jeuova wen it kom aan tu ou wi chrien piipl?

Rait yu ansa

9. Di Baibl Stodi Fi Wi Miitn

(30 min.) lfb lesn 20-21