A Ou Yu Kyan Shuo Se Yu Briev Wen Piipl A Fait Gens Yu?

Riid Jerimaiya 38:1-13 fi si ou di prafit Jerimaiya an Iibedmelek did shuo se dem briev.

Chrai fi fain out muor bout wa yu a riid bout. Wa mek Jerimaiya did afi briev wen im a tel di piipl dem wa Jeuova se? (Jer. 27:12-14; 28:15-17; 37:6-10) Wa di piipl dem did du wen dem ier wa Jerimaiya se?​—Jer. 37:15, 16.

Lorn som muo. A wa di piipl dem did waahn Jerimaiya fi du? (jr-E 26-27 ¶20-22) Chrai fi fain out wa dem yuus tu kaal sistorn bak iina di taim wen di Baibl did a rait. (it-1-E 471) A ou yu tingk Jerimaiya mait-a did fiil wen im did iina di sitn we dem kaal sistorn we did ful a mod? A wa a som a di sitn dem we kuda mek Iibedmelek staat fi fiil fried?​—w12-E 5/1 31 ¶2-3.

Tingk bout di sitn dem we yu a lorn an du dem. Aks yuself dem kwestiyan ya:

• ‘Wa da tuori ya tiich mi bout Jeuova an ou im protek di wan dem we stik tu im?’ (Sa. 97:10; Jer. 39:15-18)

• ‘Wa an wa kuda apm tu mi we wuda mek mi afi briev?’

• ‘Wa mi kyan du nou so das mi no friedi-friedi wen piipl a fait gens mi?’ (w11-E 3/1 30)a