Som Sitn We Kyan Elp Yu Fi Riid Di Baibl Evridie

Kaa wi av so moch sitn fi du, yu fain it aad fi riid yu Baibl evridie? (Jash. 1:8) Ef it aad fi yu fi du dat, chrai wan a dem sitn ya:

• Set wan alaam. Set op wan alaam pan yu fuon ar sitn laik dat fi memba yu fi riid yu Baibl evridie.

• Put yu Baibl we yu kyan si it. Fi mek shuor se yu kyan memba fi riid di Baibl evridie, yu kyan put it somwe we yu kyan si it iizi iizi.​—Dyuu. 11:18.

• Lisn tu di Baibl rekaadin dem. Yu kyan lisn tu dem wen yu a du tingz we yu du evridie. Tara, we a wan paiyanier an wan mada we wok a nait, se, “Yu si wen mi a du ouswok an mi lisn tu di Baibl a riid, it elp mi fi riid di Baibl evridie.”

• No gi op. Ef tingz mash op yu planz fi yu riid di Baibl iina di die, no se yu naa riid notn. Chrai fi riid wan an tuu vors bifuo yu go a yu bed. It stil a-go elp yu iivn ef a likl bit yu riid.​—1 Pii. 2:2.