Wa Gad Govament A-Go Du Bout Di Prablem Dem We A Gwaan Wid Di Weda An Dem Ting De?

“Di wie ou tingz a chienj op chienj op wid di weda an dem ting de, it a mek tingz aad iina wol iip a di siti dem, it aad fi di plaant an di animal dem, an it a schres out wol iip a piipl tu. Kaaz tingz a chienj op chienj op so, wi a get som big staam an dem staam de a mash op piipl ous an it a mek it aada an aada fi piipl mek a livin aal uova di worl. Di sii dem a get ata an ata an kaaz a dat, wi mait-a fain se nof a di sitn dem we a liv iina di sii mait-a ded aaf.”—Inger Andersen, wan a di tap sumadi dem iina di United Nations an di sumadi we inchaaj a di UN Environment Programme, Julai 25, 2023.

Yu tingk di govament dem aal uova di worl a-go kyan wok tugeda fi get rid a dem prablem ya? An yu tingk se notn we dem du a-go kyan get rid a dem prablem ya fi eva?

Di Baibl mek wi nuo se yu av wan govament we a-go get rid a aal a di prablem dem pan di ort we av fi du wid di weda an dem ting de. It tel wi se “di Gad we de a evn a-go set op fi’im King fi ruul fi’im govament.” (Daniyel 2:44) Wen Gad govament a ron tingz pan ort, piipl ‘naa go du notn fi ort nobadi, an dem naa go mash op notn niida.’—Aizaiya 11:9.