Wi Av Nof Riizn fi Api

1. Wi av so moch riizn fi api;

Wi av so moch riizn fi glad

Kaa piipl fram aal bout a jain wi

Fi sing an gi priez tu wi Gad.

Di jai we wi fiil a no plie ting;

Di jai we wi fiil kom fram Ja.

Di jai we wi fiil toch wi aat chring;

It mek wi jraa kluosa tu Gad.

Wi prie, an wi stodi di Baibl;

Wi bil op wi fiet iina Gad.

So iivn duo chobl mie tek wi,

Jeuova, wi Gad, gi wi jai.

2. Wi sing kaa wi si ou im lov wi;

Wi sing kaa wi si ou im kain.

Wi sing kaa Jeuova Gad yuuz wi

Fi tiich bout im wiez an im mait.

Wi spen taim fi luk pan di ting dem

Im mek fi wi yuuz an enjai—

Di evn, di lan an di sii, an

Wi laif an wi badi an main.

Wi tangk im an gi im di ana;

Wi priez im fi aal im dizorv.

Wi api kaa suun im gweehn gi wi

Wan nyuu Paradais pan di ort.