2 Akupin

Akaapa shuari̱n Jeú amukárma

10 10:​1-17 Kame Jeúka Israernum úunt akupin ajas Akaap shuar armia núnaka ashí amukármiayi. Núnisaṉ Páaran enentáimtin armia nunasha ashí amukármiayi. Nútiksaṉ Jeúka Israernumia̱ úunt akupniun Juraman tura Jutanmaya̱ úunt akupniuncha Ukuséasnasha máinian aents wainkia ásar aentska Jeúnka ashamiarmiayi. Túmainia ásar Jeú warinkisha tákuiṉkia ashí umiriarmiayi. Túmainiak Akaapa uchirí̱nkia ashí kajeṉkarmiayi. Núnisaṉ Jeúka Ukuséasa shuari̱ armia nunasha kajeṉkármiayi.

Páarnan pujurniuri̱n Jeú amukárma

18 10:​18-36- Nuna tura iniais Paar enentáimtustin tsawantan tesamiayi. Tura Páarnan pujurin núnisaṉ Páaran enentáimtin armia núnaka pachinkiatarum tusa ashí ipiaawarmiayi. Nu tsawantin Paar enentáimtutai̱ je̱a̱nam ashí utsanawarmatai Jeúka ashí kajeṉtarum tusa ni suntari̱n akuptúrmiayi. Nuna tura Páarnaka ashí Israernumia̱ amukmiayi. Túrasha Jeúka Uunt Yus timia núnaka ashí umikchamiayi. Tuma asamtai Israer shuara nuṉke̱n uchich awajtan Uunt Yus naṉkamamiayi.