Juup

 3 “Wi akiiniamu tsawantcha tura áishmaṉchin ajaprukjai tunamaj nu káshisha sakarti.*

 7 Maa, nu káshikia ki̱i̱chu atí,

niṉkia kantammaksha atsutí.

 8 Tsawantan yajauchiji̱a̱i̱ yumiṉkiainia nuka nisha yajauchiji̱a̱i̱ yumiṉnarti.

Kame métek awajainia nuka entsaya̱ uunt yajasman túrata tusa utsuinia nuka túrawarti.

 9 Tsawa̱a̱kui yaasha kajintrarti.

Tsáapninian nákaksha tsawa̱a̱rchati.

10 Winia nukur takursachuitkiuiṉkia wait ajamainchu wáitiajai.

11 ¿Urukamtaik winia nukurui̱ ínitiaṉ jákachmiaj

túmatskesha ákiinianak jákachiaj?

12 ¿Urukamtaik nijiarar naṉkaras amuntstuawarmia?

13 Tura yamaikia yaunchu jaka a̱a̱jai túmaitkiunka ayampra̱a̱jai.

Kame yaunchu kanaruitkiunka yamaikia ti shiir ayamú tepe̱a̱jai.

14 Uunt akupin tura ashí nuṉkanam aentsun chicharin ní pujustinian

pepru emeskarman iwiarkarma nuja̱i̱ métek ayamú tepe̱a̱jai.

15 Núja̱i̱nchuka úunt akupniu uchirí̱ kurin

tura kuít jirun ni je̱e̱ni̱ áimiak takaku armia nuja̱i̱ métek ayampra̱a̱jai.

16 Uchi ashimkimiu tsawantan wáintsuna nútikruawarsha

¿urukamtaitsuk winia ú̱rkacharia?

17 Kame jaka matsamtai̱niam aya yajauchin enentáimin ainia nuka itit awajáiniatsui.

Tura kakarmachu ainia nusha ayamainiawai.

18 Achirar yajá jukir sepunam eṉkeamu ainia nusha nui̱ ayamainiawai

kame ni uuntri̱ chichame̱nka ántuiniatsui.

19 Uchichisha núnisaṉ uuntcha nui̱ pujuiniawai

núnisaṉ takarin aṉkantu ainia nusha ni úuntri̱ya̱nka aṉkant pujuiniawai.

20 ¿Urukamtaik Uunt Yus aents ti itiurchatja̱i̱ enentáimias waitia nunasha iwiaakman sua?

21 Ti wáitiak kuit ú̱kman wáinkiatniun wakera ímiatrus jákatniun naka nunasha

¿urukamtai iwiaakman sua?

22 Timiá waitias pujá asa iwiarnastinnium jeatta nuna enentáimias wará nunasha Yussha ¿urukamtai iwiaakman tsaṉkatea?

23 Yus aentsun ju̱ nuṉkanam itiur pujustata nuna nékachuncha ¿urukamtaik Yussha iwiaakmari̱n súsait?

Tura ¿urukamtai nincha éṉkeksha apujsait?

24 Wi najaimiakur útmarsha entsa wéaná ántsaṉ naṉkanturtsui.

Yurumkuncha útkamaikia yurumjai.

25 Wi ashamniuyaj nuke amaintiúkuiti.

Winia sapijian eṉketruamia nuke tarutní̱.

26 Ayampratniursha tura péṉker pujustintrusha peṉké atsurtawai,

túmakun yawe̱kin nakitmamkijiai”