Juup

 2 “Juupa áujeamka itit nekaprattame.

Túrasha ¿yaki chichatskesha pujusaint?

 3 ¿Ámechuk untsurí aents jintinniuyam

túram kakarmachu nekapenasha ikiakáiniuyam?

 4 Pimpikiar imian wekainiachusha ame chichamiji̱a̱i̱ ikiakáichukiam

tura wekasatniun tujintiainiasha yái̱chukiam.

 5 Túriniaitiatmek yamaikia wáitsatin tarutrámmatai kakarmachu

tura pujuchmin nekapeame.

 6 Aya Yúsnak umiriakui̱ aya péṉkernak surustatui ¿tu enentáimtichmakum?

Tu enentáimkium ¿tímiatrusmek umirchamkum?

 7 Wats enentáimsakia, tunaarincha asamtai ¿yana Yus asutiáit?

¿Itiursampa péṉkera túrincha wáitkiasmasha áwit?

 8 Wi wáinkiaitiaj nuja̱i̱ nékaitjiai, yajauchin tura wáitsatniun arainia nuka júuktinia núnis tsawant jeamtai aya wáitsatniunak júukartatui.

 9 Núnaka Yus ni mayai̱ji̱a̱i̱ arus máichuiti.

Tura kajekka umpuí mash amuwiti.*

17 ‘Yúsja̱i̱sha naṉkaamas péṉkera túrin aents ¿áminiashit?

Nin najanamia núja̱i̱sha naṉkaamas aents tunaarincha ¿áminkiait?

18 Núnisaṉ Yus ni takarniúri̱ nayaimpinmaya̱ncha ímiatrus enentáimtatsui.

Tura Ni suntari̱ awajiamuncha wáitkiaiti.

19 Yus imiá ní suntari̱ncha núnis iyasha ¿itiurak aentsnasha tímiatrus enentáimtusaint?

Kame aents peṉké kakarmachu asa je̱a̱ nuwe̱ja̱i̱ náikminiam apuja je̱a̱mma núniskete.

Tuma asa ka̱ya̱ naja̱ram wárik meṉká núnisaiti.’”*