Juup

“Wikia ame wait ajá pujamna ániaknaka Yusan yaintkiai tusan seawaintjiai

tura peṉké antra wáitiamurun iisan ujakaintjiai.

 9 Warí Yuska tí uuntan aentstikia peṉké nekaachminian najanchakait

núnisaṉ ashammainniasha nekapmarchamnian túriniaiti.

10 Núnisaṉ yumi nuṉkasha kampunniunmasha yutuktinian akupeawai.

11 Yusak péejchach ainia nuna uunt awajtsuk

núnisaṉ kúntuts pujuiniak útainia nunasha shiir pujustinian suíniatsuk

12 tura aents netse túruta unuimiátra yajauch túrattsa enentáimtamuncha emestatsuk.

13 Ti neka ainia nuna chíkich yajauch túrattsa iwiarturman íksaṉ níniak sumamtikia emestiniaiti.*

17 Yus enentáimtikrattsa wáitkiasmaja̱i̱ jintintiámun nekapmamna nú aentska shiir enentáimias warasti.

Ashí Tujintkiachu Yus chichartamna nu nakitraip.

18 Niṉki aya̱shi̱n emestursha péṉker awajniuiti

núnisaṉ aya̱shi̱n tsupirasha tsuáwiti.*

27 Iwiaaku pujusan wáinkiaitiaj nuka ju̱i̱ti tura nusha timiá nekasaiti.

Anturtukta túram amek nekamata nuka áminiukete” Eripiás tímiayi.