Juup

 2 “Winia najaimiamur tura wáitiamursha kijin nekapmatai̱ji̱a̱i̱ nekapmamsha

 3 nayantsanmaya̱ naikmi kijintri̱ya̱ nuna naṉkaamas kijin áminiaiti.

Tuma asamtai wikia wáitnenmai ajakun tu chichaajai.

 4 Warí Ashí Tujintkiachu Yusa naṉkiri̱ winia aya̱shrui̱ akumturkarai

tura tseasri̱ winia iwiaakmarui̱ jeamprutkayi.

Túruta Yus sapijian eṉketrua nekaprawai.*

 8 Chaaj, Yusan wi seajna ju̱na umirtuk

 9 itiurkaṉ wárik mantutawa̱.

10 Jáaknasha warasan jákaintjiai.

Warí wikia Tunaarincha Yusa Chichame̱nka ashí umikiuitjiai.

11 Nu arant katsuntrachmin kakarmachu nekapeajai.

Núnisnak iwiaaku pujuta enentáimtsujai.

12 Warí wisha ¿kaya imianú katsurmakaitiaj

aya̱shrusha yaṉkú jírua tímiaṉkait?

13 Imiá wíkikia katsuntratniun jeatsjai,

yaaksha winia yáintkiatniuka peṉké atsawai.

14 Ashí Tujintkiachu Yusai̱ya̱ kanakmiataisha

wáitiana núnaka ni amikri̱ yáiṉtiniaiti.

15 Antsu winia yatsur yaiṉkiartatui tímiajna nu,

entsa nujaṉkrua ku̱yu̱a núnikiar itiurchat awajtúsar naṉkatuiniawai.

16 Entsa kusuku michaja̱i̱ pachimnair taawai

17 túrasha nantu etsankuiṉkia miniar mash ajainiawai

tura tsue̱r ajakuiṉkia aya meṉkainiawai.*

21 Átum wi íismaka núniniaitrume.

Ti yajauch wáitsan pujái̱ waitkiarmeka ashamarme.*

24 Wats wi yajauch túrutai̱sha tuit, turuttiarum.

Warinia awajiruitiaj nu jintintruatarum. Nuiṉkia itiatkaintjiai.

25 Péṉker jintintiámu chichama nuka nekas antú ajataiti

tura ¿urukamtai peṉké ántrarmesha tú chichartarum?

26 Péṉker pujuchmin nekapeak enentáimtsuk chicháa nuna chichame̱ṉka nase júana núnisaiti.

Nu nékayatrum yajauch chichaawai túrutrume.

27 Auka mitiaik kuitji̱a̱i̱ suruktinkia jearme

tura atumí amikrí̱sha anaṉkarum kuítriniawaintrume.

28 Pai, yamaikia péṉker anturtuktarum.

Warí, atumín ánaṉkeaknak wáitian títiaj.

29 Yamaikia ántrarum chicharmena nuka itiatkarum

antsu nekas tawai turuttiarum.

30 Wi chichakaj nu tunaashit.

¿Wikia yajauchincha péṉkernasha ántakun nékatsjak?