ÑA̱ SÁNAʼA̱ ÑA̱ 14

Satanás kúñi̱a̱ ña̱ ná kee yó ña̱ kiñi. Tú kúñi̱ yó kaneʼe táʼan va̱ʼa yó síʼín Ndióxi̱ Jeo­vá, siñiñúʼú yó kandají yó ña̱ kándají Ndióxi̱ Jeo­vá (Salmo 97:​10). Yóʼo va̱si sava ña̱ ko̱ kánia kee na̱ kúñi̱ kaneʼe táʼan va̱ʼa síʼín Ndióxi̱ Jeová:

Na̱ kíxi̱ táʼan. “Ta a̱ [...] [kúsu̱] ndo̱ xi̱ʼi̱n ñájíʼí [á yíi̱ inka̱ na̱yivi].” (Romanos 13:9.) Ko̱ váʼa ña̱ kusu̱ ndo̱ síʼín iin tsa̱a á iin ñáʼa̱ tá kúmañi̱ tandaʼa̱ ndo̱ síʼín ná (1 Corintios 6:​18).

Na̱ síñí. “Na̱ xíʼí [e̱]ñíʼi̱ na ñi iin ña̱ va̱ʼa tá ná kaʼntsa gobierno Ndióxi̱ chuun nuu̱ ñuyíví yóʼo.” (1 Corintios 6:​10, NM.)

Na̱ siáʼñí tsa na̱ sánúu se̱ʼe. “Koto a̱ káʼnún ndi̱i.” (Marcos 10:​19.)

Na̱ sákuíʼná. “Koto a̱ [...] kája kuíʼná ga̱ [ndo̱].” (Efesios 4:​28.)

Na̱ kaʼa̱n ña̱ tu̱ʼún. Ndióxi̱ Jeo­vá ko̱ sitaʼan iñi ra ña̱ ná kaʼa̱n yó “ña̱ tu̱ʼún” (1 Timoteo 1:​8-​10).

Na̱ káñi táʼan tsa na̱ kama jáa̱ xiñi̱. Ndióxi̱ Jeo­vá “kándají rá na̱ káñi táʼan” (Salmo 11:5). Na̱ “kama chá jáa̱ [xiñi̱]” na̱ yóʼo kú na̱ “kája ña̱ núu [á ña̱ kiñi]” (Gálatas 5:​19, 20).

Iyá na̱ sásikí siaʼa̱ xu̱ʼún va. “Ko̱ ndítaʼan katáʼan ndó xi̱ʼín na̱ [...] kátóó ndiva̱ʼa jiu̱ʼún.” (1 Corintios 5:​11.)

Iyá na̱ kándají táʼan á kándají ná na̱yivi na̱ inka̱ ñuu. “Ndítaʼan ki̱ʼvi̱ ini ndó na̱ ko̱ kúní [kaneʼe] táʼan [va̱ʼa] xi̱ʼi̱n ndó [...] ta ka̱ka̱ ta̱ʼví ndó nu̱ Ndióxi̱ sa̱ʼá na̱ kája xíxi xi̱ʼi̱n ndo̱.” (Mateo 5:​43, 44.)

Ña̱ káʼvi yó nuu̱ Tu̱ʼun Ndióxi̱ ña̱ va̱ʼa mií vá yó kíá. E̱suú ña̱ uun kíá ña̱ jándákoi kajae ña̱ ko̱ váʼa, só Ndióxi̱ Jeová síʼín na̱ kú Testigo ra chindeé ná miíní já ná e̱kée ní ña̱ ko̱ sitaʼan iñi Ndióxi̱ Jeová (Isaías 48:​17; Filipenses 4:​13; Hebreos 10:​24, 25).