¿Ndá ki̱án kánian kee yó já kaja jii̱ yó ini Ndio̱s?

E̱kée ní ña̱ ko̱ váʼa (1 Corintios 6:9, 10)

Tá kúni̱ yó Ndio̱s, e̱kée yó ña̱ kándají si.

Ko̱ kúni̱ Jeová ña̱ ná kukuu yó na̱ kui̱ʼná, ni na̱ síʼi ni na̱ kuchúun drogá.

Ña̱ kini kíán nuu̱ Ndio̱s ña̱ ta̱ ta̱a ná kutoó ra̱ ta̱a xi̱ʼín rá, á ñáʼa̱ ná kutoó ñá ñáʼa̱ xi̱ʼán, ko̱ nataʼan ini Ndio̱s ña̱ saʼní táʼan na̱yivi ni ko̱ nataʼan ini si ña̱ jánúu na de̱ʼe na ni ko̱ kúni̱ Ndio̱s ña̱ ná ndi̱ʼi ini yó koo ku̱aʼa ña̱ kui̱ká nuu̱ yo̱ ni ña̱ kukuu yó na̱yivi tondó xini̱.

Ko̱ kánian kee yó ña̱ tají ni ko̱ kánian keekáʼno yó toʼó.

E̱kándoyi ka̱ na̱yivi na̱ kée ña̱ ko̱ váʼa tá ná nduu núchí nuu̱ Ñúʼu̱ ntseʼei̱ yóʼo.

Ná kee yó ña̱ va̱ʼa (Mateo 7:12)

Tá kúni̱ yó kee yó ña̱ nataʼan ini Ndio̱s kánian kee yó tata̱ koo ini yó tátu̱ʼun ki̱ʼa ió ini Ndio̱s.

Va̱ʼa ná koo ini yó ná chindeé yó java ka̱ na̱yivi, ta ná naʼa̱ yó ña̱ kúni̱ yó na̱.

Kánian kakuu yó na̱yivi ndaa̱ xíʼín java ka̱ na̱.

Ná kiʼvi̱ ini yó na̱yivi ta ná koo káʼno ini yó siaʼa̱ ná.

Ná kaʼa̱n yó siaʼa̱ Jeová Ndio̱s xíʼín java ka̱ na̱yivi siaʼa̱ chuun saʼndá si (Isaías 43:10).