LECCIÓN 25

¿Ndá chúun ni̱kava̱ʼa Ndio̱s miíyó?

Edición impresa

Tu̱ʼun Ndio̱s káchi ña̱ na̱yivi “ndóyina cháá vá tiempo ta ndóʼo ndiva̱ʼona tu̱ndóʼó” (Job 14:1). Jo ¿á kúni̱ Ndio̱s ña̱ ki̱ʼa jaá kuití vá kandoyiyó? Jo, tá ko̱ kían jaá, ¿ndá chúun ni̱kava̱ʼanayó? ¿Á saa̱ iin kivi̱ koo ña̱ ni̱kuni̱ Ndio̱s? Kande̱ʼéní ndá kúú ña̱ va̱ʼa káʼa̱n Tu̱ʼun Ndio̱s sa̱ʼá ña̱yóʼo.

1. ¿Ndixi kúni̱ Ndio̱s kandoyiyó?

Jeová kúni̱na ña̱ va̱ʼa ná kandoyiyó. Tá ni̱kava̱ʼana na̱yivi kúú nu̱ú—Adán xíʼín Eva—, ta ni̱chindoyina na̱yóʼo nuu̱ ñúchí ndiva̱ʼa ni̱sakaa: jardín Edén. Ta yóʼo “ni̱ kemáni̱ ñaá Ndios, ta kaá na̱: ‘Nataꞌi̱ ndo̱, ta ndukuaꞌa̱ ndo̱, ta dákútí ndó no̱ñóꞌo̱ xíꞌín de̱ꞌe ndó, ta dándáki ndó ñaʼ ” (Génesis 1:28). Jeová ni̱kuni̱na ña̱ ná kandoyi kuaʼa̱ de̱ʼena, ta ná jánakutuna nuu̱ Ñúʼu̱ Ndeʼi̱ ta ná nduu ñúchíña ta ná kandaána kíti̱. Ña̱ ni̱kuni̱ Ndio̱s kían ña̱ inííkúú ñuyíví ná kandoyi va̱ʼa na̱yivi ta ná o̱kivina ta ná kandoyina nditáʼa̱n tiempo.

Va̱árá ko̱ ni̱xino̱ko̱oña kooan jaá,a jo Ndio̱s ko̱ nája̱mana ña̱ káʼa̱nna keena (Isaías 46:10, 11). Ndio̱s kúni̱na ña̱ ndijaá na̱ xinijo̱ʼoña ná kandoyina nditáʼa̱n tiempo ta ná o̱kivi miívána (kaʼviní Apocalipsis 21:3, 4).

2. ¿Ndixi kuu kujii̱ iniyó ta kandoyi va̱ʼayó nda̱ viti?

Jeová ni̱kava̱ʼana na̱yivi xíʼín ña̱ “nákunina ña̱ xiniñúꞌúnna Ndio̱s”, ña̱ kúni̱ kachi, ña̱ kutoóyó kanaʼáyó Ndio̱s ta kekáʼnoyóna (kaʼviní Mateo 5:3-6, TNM). Ndio̱s kúni̱na ña̱ ná kanetáʼan va̱ʼayó xíʼínna, ná kakanuuyó “ndijaá íchi̱ jánaʼa̱na nuu̱yó”, ná kúni̱yóna, ta ndinuʼu iniyó ná kuchúunyó nuu̱na (Deuteronomio 10:12; Salmo 25:14). Tá ná keeyó ndijaá ña̱yóʼo, jaá kían miía̱ndaa̱ ndísa kujii̱ iniyó va̱árá kuaʼa̱ tu̱ndóʼó ná ndoʼoyó. Ña̱ kekáʼnoyó Jeová kúú ña̱ xíʼo ña̱ va̱ʼa ndísa kuu iniyó, ta ña̱yóʼo naʼa̱ ña̱ ió ndísa chúun ni̱kava̱ʼa Ndio̱s miíyó.

NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO

Ná kande̱ʼéyó ndiki̱ʼoví ni̱naʼa̱ Jeová ña̱ ni̱kiʼvi̱ inina saʼa̱yó tá ni̱kava̱ʼana Ñúʼu̱ Ndeʼi̱ kandoyiyó ta ña̱ jánaʼa̱ Tu̱ʼunna saʼa̱ ndá chúun ni̱kava̱ʼa Ndio̱s miíyó.

Adán xíʼín Eva ndeʼena nuu̱ ñuchi kaa nuu̱ ndoyina: iin jardín káʼno xíʼín kuaʼa̱ kiti xíʼín kuaʼa yito.

3. Jeová kúni̱na ña̱ na̱yivi ñúchí ná kandoyina

Kande̱ʼéndó VIDEO ta kanatúʼúnndó saʼa̱ ña̱ va̱xi yóʼo:

VIDEO: ¿Ndiva̱ʼa ni̱kava̱ʼa Ndio̱s Ñúʼu̱ Ndeʼi̱? (iin táʼvi) (1:41)

¿Ndiva̱ʼa ñúchí ni̱kava̱ʼa Ndio̱s Ñúʼu̱ Ndeʼi̱ yóʼo?

Kaʼvindó Eclesiastés 3:11 ta kanatúʼúnndó saʼa̱ ña̱ va̱xi yóʼo:

¿Ndíki̱án jánaʼa̱ ña̱yóʼo saʼa̱ Jeová nuu̱yó?

4. Ña̱ ni̱chikaa̱ ini Jeová keena ko̱ nája̱maña

Kaʼvindó Salmo 37:11, 29 xíʼín Isaías 55:11, ta kanatúʼúnndó saʼa̱ ña̱ va̱xi yóʼo:

¿Ndiva̱ʼa náʼáyó ña̱ ni̱chikaa̱ ini Jeová keena xíʼínyó ko̱ nája̱maña?

A. Iin veʼe ni̱kuyata ndiva̱ʼo. Ni̱kusáʼá kuun jiniña, ni̱taʼvi ventanaña ta yuu yeʼeña kíni doyi xeʼe. — Iin veʼe sa̱natani kuuvá nduva̱ʼaña. Ki̱ʼa janí ndóʼo Ñúʼu̱ Ndeʼi̱: na̱yivi ndóyi nuu̱ña kéendava̱ʼana xíʼínña, jo Ndio̱s jánduva̱ʼa tukunaña ta naki̱ʼonaña nuu̱ na̱yivi kúni̱ña.

B. mií ini veʼeyóʼo ñuchi ni̱nduuña ta vii kaa yuyeʼeña. — Iin veʼe sa̱natani kuuvá nduva̱ʼaña. Ki̱ʼa janí ndóʼo Ñúʼu̱ Ndeʼi̱: na̱yivi ndóyi nuu̱ña kéendava̱ʼana xíʼínña, jo Ndio̱s jánduva̱ʼa tukunaña ta naki̱ʼonaña nuu̱ na̱yivi kúni̱ña.

5. Ña̱ kekáʼnoyó Jeová ki̱ʼo ndísaña ña̱ va̱ʼa kuu iniyó kandoyiyó

Ña̱ kanaʼáyó ndá chúun ni̱kava̱ʼa Ndio̱s miíyó ki̱ʼoña ña̱ kujii̱ iniyó. Kande̱ʼéndó VIDEO ta kanatúʼúnndó saʼa̱ ña̱ va̱xi yóʼo:

VIDEO: Ni̱kundaa̱ ini ndá chúun ni̱kava̱ʼa Ndio̱s na̱yivi (5:03)

¿Ndixi ni̱chindeéña Terumi ña̱ ni̱kundaa̱ iniñá saʼa̱ ndá chúun ni̱kava̱ʼa Ndio̱s na̱yivi?

Kaʼvindó Eclesiastés 12:13 ta kanatúʼúnndó saʼa̱ ña̱ va̱xi yóʼo:

Tátu̱ʼun ni̱xiniyó ndijaá ña̱ ni̱kee Jeová saʼa̱yó, ¿ndíki̱án kánian keeyó jaá naki̱ʼoyó ndiveʼe nuu̱na?

ÑA̱ NDAKATU̱ʼÚN JAVAKA̱NA: “¿Ndiva̱ʼa ndóyiyó yóʼo? Ta ¿ndá chúun ni̱kava̱ʼa Ndio̱s miíyó?”.

¿Ndixi kachi miíní?

ÑA̱ NI̱KATI̱ʼAYÓ

Jeová kúni̱na ña̱ ná kujii̱ ndísa iniyó ta ná kandoyiyó ndijaá táʼa̱n tiempo nuu̱ Ñúʼu̱ Ndeʼi̱ yóʼo nuu̱ o̱kooka̱ ni iin tu̱ndóʼó. Janí viti, kujii̱ ndísa iniyó jáchi̱ kuu kekáʼnoyó Jeová xíʼín nditáʼa̱n ánima̱yó.