Apa Hubungané Perang ing Timur Tengah karo Ramalan ing Alkitab?

Saiki wong-wong ing sak donya padha kuwatir merga ana perang antara Amerika Serikat, Israel, lan Iran. Apa perang kuwi bakal tambah parah nganti marakké negara-negara liya kena dampaké? Apa pamréntah isa ngatasi masalah sing disebabké merga perang lan nggawé keadaan ing donya dadi damai?

Kanggo wong-wong sing ngerti ramalan sing ana ing Alkitab, mungkin meréka tau krungu ramalan ing buku Wahyu soal perang Armagédon. Mungkin meréka mikir nèk perang sing lagi kelakon ing Timur Tengah isa waé dadi awal saka perang Armagédon.

Tapi menurut Alkitab piyé?

Apa pamréntah isa ngendhegké perang ing Timur Tengah?

Ing Alkitab disebutké, ”Aja percaya karo manungsa utawa para pemimpin sing ora isa nylametké.”—Mazmur 146:3.

Mémang, awaké dhéwé ora ngerti apa pamréntah isa nggawé keadaan ing Timur Tengah dadi luwih damai. Tapi saka Alkitab awaké dhéwé ngerti nèk ora ana pemimpin politik, pamréntahan manungsa, utawa kelompok tertentu sing isa ngendhegké perang lan nggawé keadaan ing bumi dadi damai. Mung Gusti Allah sing isa ”ngendhegké perang ing bumi”.—Mazmur 46:9.

• Bèn isa ngerti luwih akèh, wacanen Warta Penting sing judhulé ”Apa Isa Ora Ana Perang Manèh?”

Apa perang ing Timur Tengah nduduhké nèk ramalan ing Alkitab wis kelakon?

Ing Alkitab disebutké, ”Kowé bakal krungu swara perang lan berita-berita soal perang. . . . Bangsa bakal nglawan bangsa, lan kerajaan nglawan kerajaan.”—Matius 24:6, 7.

Peristiwa sing kelakon ing Timur Tengah dadi salah siji tandha nèk saiki awaké dhéwé urip ing ”akhir jaman”. (Matius 24:3; 2 Timotius 3:1) Kuwi berarti sedhéla manèh Gusti Allah bakal ngendhegké perang lan nyingkirké kabèh masalahé manungsa.

• Bèn isa ngerti luwih akèh, wacanen artikel ”Apa Waé Tandhané ’Akhir Jaman’?”

Apa Armagédon bakal dimulai saka Timur Tengah?

Ing Alkitab disebutké, ”Raja-raja kuwi diklumpukké ing panggonan sing ing basa Ibrani disebut Armagédon.”—Wahyu 16:16.

Perang Armagédon kuwi dudu perang antar bangsa, lan perang kuwi ora dimulai saka Timur Tengah. Tapi Armagédon kuwi perang antara pamréntahané manungsa karo Gusti Allah, lan bakal kelakon ing sak donya.

• Wacanen artikel ”Armagédon Kuwi Apa?” bèn isa ngerti luwih akèh.

Piyé carané bèn ora terlalu kuwatir?

Ing Alkitab disebutké, ”Aja nguwatirké apa waé. Tapi, ing kabèh keadaan, kowé kudu terus ndonga njaluk tuntunané Gusti Allah lan terus ngucap syukur.”—Filipi 4:6.

Gusti Allah Yéhuwaha péngin awaké dhéwé ndonga karo Dhèwèké. Merga Gusti Allah perduli, Dhèwèké bakal ngrungokké dongané awaké dhéwé lan mbantu awaké dhéwé bèn ora terlalu kuwatir. (1 Pétrus 5:7) Salah siji cara Gusti Allah mbantu awaké dhéwé, yaiku ngandhani kenapa saiki ana akèh perang. Sakliyané kuwi, Yéhuwah ya ngandhani nèk Dhèwèké bakal ngendhegké perang lan nggawé uripé awaké dhéwé bener-bener bahagia.—Wahyu 21:3, 4.

• Ana manèh bantuan liyané saka Yéhuwah, wacanen artikel ”Apa ing Alkitab Ana Ayat-Ayat sing Isa Nguwatké Aku?”