Minggu, 2 November
Aja nganti awaké dhéwé turu kaya sing liyané, ning awaké dhéwé kudu tetep tangi lan sadhar.—1 Tés. 5:6.
Nduwé katresnan kuwi penting bèn isa tetep siap. (Mat. 22:37-39) Nèk nresnani Gusti Allah, awaké dhéwé bakal tetep nginjil meskipun ora gampang. (2 Tim. 1:7, 8) Merga nresnani wong liya, awaké dhéwé ya tetep nginjil, bahkan liwat télpon utawa surat. Awaké dhéwé yakin nèk wong-wong kuwi bakal berubah dadi wong sing apik. (Yèh. 18:27, 28) Awaké dhéwé ya nresnani sedulur-sedulur. Mula, awaké dhéwé ”terus nguwatké lan mbantu liyané”. (1 Tés. 5:11) Awaké dhéwé ya saling nyemangati kaya prajurit sing maju bareng pas perang. Awaké dhéwé mesthi ora péngin sengaja nglarani sedulur-sedulur seiman. (1 Tés. 5:13, 15) Nèk nresnani, awaké dhéwé ya bakal ngajèni para pinituwa.—1 Tés. 5:12. w23.06 10 ¶6; 11 ¶10-11
Senèn, 3 November
Nèk [Yéhuwah] ngomong, mesthi ditindakké.—Wi. 23:19.
Bèn isa nduwé iman sing kuwat, awaké dhéwé kudu ngrenungké tebusané Yésus. Merga ana tebusan, janji-janjiné Yéhuwah mesthi bakal kelakon. Nèk ngrenungké pengorbanané Yéhuwah lan kenapa Yéhuwah mènèhi tebusan, awaké dhéwé isa tambah yakin nèk janjiné Yéhuwah soal donya anyar mesthi ditepati. Kok isa? Coba pikirna manèh pengorbanané Yéhuwah. Yéhuwah réla ngutus ing bumi Anaké siji-sijiné sing paling disayangi bèn dadi tebusan. Pas ing bumi, Yésus ngalami akèh penderitaan. Dhèwèké sengsara nganti mati. Kuwi bener-bener pengorbanan sing luar biasa. (Yoh. 3:16; 1 Ptr. 1:18, 19) Yéhuwah ora mungkin berkorban kaya ngono nèk manungsa uripé mung sedhéla thok. Merga ana tebusan, manungsa bakal isa urip saklawasé. w23.04 27 ¶8-9
Selasa, 4 November
Kematian, ing endi kekuwatanmu sing nggawé sengsara?—Hos. 13:14.
Jelas nèk Yéhuwah gelem nguripké manèh wong mati. Buktiné, Yéhuwah bola-bali janji nèk bakal nguripké manèh wong mati. (Yés. 26:19; Why. 20:11-13) Kabèh janjiné Yéhuwah selalu ditepati. (Yos. 23:14) Malah sakjané Yéhuwah ora mung gelem, tapi ya péngin banget nguripké manèh wong mati. Coba pikirna kata-katané Ayub. Ayub yakin meskipun dhèwèké mati, Yéhuwah bakal kangen banget karo dhèwèké. (Ayb. 14:14, 15) Yéhuwah ya kangen banget karo kabèh umaté sing wis mati. Yéhuwah péngin banget nguripké wong-wong kuwi. Tapi piyé sing durung dadi umaté Yéhuwah? Yéhuwah ya péngin nguripké manèh wong-wong kuwi. (Kis. 24:15) Yéhuwah péngin wong-wong kuwi dadi kancané lan urip saklawasé ing bumi.—Yoh. 3:16. w23.04 9 ¶5-6