Yihowwaꞌn Addatati Sodaꞌa Injiffatte

1. Mitte mitte yanna sodaantaanneki mayeete kada dandeetta?

AYYETENNA kadoole sodaatabaaki hedhebaan. Dhugaaten, Maxaafi Qullichchiinxi barachcho: reyo, manji iimi darre hexxeexxa hunna ittan ediꞌa hexxeexxa yanna sodaantabeꞌnoshsha assiteꞌeen. Kaddomaleꞌe, heꞌnaanneki gargariti hexxeexxi “sodaachchissaaxxi yaanuwwa” tinniirinna, bagedi, fuggoxxa assaaki manni ittan dhukkubi hedheexxe yannaꞌniten. (Luqa. 21:11) Wele darrenaaꞌni, manjo, mootumma yookiin dhugaatixxa mageneeffachcho moromaaka mini hado noꞌonga sodaantannoxxi hexxaan. Mitti mitti kinni taꞌanna kadde ediꞌa rakko isoꞌn futti hitoole, osse saꞌabaachcho fakkaattaaꞌnaaꞌa sodaataan.

2. Daawiti Geeti hedhemmaxxa yanna hitta hedheeke jeejaꞌn hedhemmaxxa ifisse.

² Daawitinna sodaateemmaxxi yanna hexxemman. Fakkeennakeꞌe, Mootichchi Saꞌooli isoꞌoꞌ shiyateꞌe shorraammaxxa yanna, Filiisixxeemeke qachchibaꞌa Geetibaa baqateemman. Heenooxxe yanna uduma, Geetiki mootichchi Ankusi, Daawiti jabake adhallonna “tomme kumuwwike” Filiisixeemootinke shiyallo, hine faarsineemmake manjo kadeemmaxxa egeꞌneen. Tennenaaꞌn kexxeexxa Daawitinna “haranga sodaateen.” (1 Samu. 21:10-12) Isinna sodaateeki Ankusi isoꞌn geesisaaxxa yaane hedeeten. Daawiti sodaꞌa inijifateeki hittate?

3. Faaro 56:1-3, 11 hundaayeshshanni, Daawiti sodaꞌa isixxa injifata dandeꞌeeki hittate?

³ Daawiti Faaro 56 keꞌn, Geeti hedhemmaxxa yanna isoꞌn laqendeexxa yaane ifiseen. Tinni faaronna Daawit sodaatee qiconna sodaꞌa tenne hitta inijfateexxa baꞌla qicoꞌn kuldaan. Isinna sodaataammaxxa yanna Yihowwaꞌn addataamman. (Faaro 56:1-3, 11 yaanisi.) Adde isixxinna tola gattebaan. Daawitinna konneechchi edi darre asse egeꞌnebaaxxa yaane asseexxi: tinninna maraata ifi fakkeesatixxi yaane, Yihowwake gargaarisinni isiꞌa qabbeen! Ankusinna Daawitiꞌi nageꞌa balleessaake manjishsha kadebaaki arsaꞌneeke manjishsha asse uudeemmaxxeꞌe, Daawitinna anga isixxebaaꞌn miliqa dandeeꞌen.—1 Samu. 21:13–22:1.

4. Yihowwaꞌn anfeennexxa adde jebeessedha dandeenannoki hittate? Fakkeenniki kuli.

⁴ Noꞌonna Yihowwaꞌn addatati sodaꞌa injifata dandeennannon. Kaddomaleꞌe sodaachchissaaxxi yaane noꞌoni geltaa wodda, Yihowwaꞌn anfeenexxa adde jabeessedha dandeenannoki hittate? Konne fakkeenna uudde. Bisi noꞌoki giddo dhibo hexxeexxa egennanno wodda lanqenneshshanni alannannoxxi hexxaan. Kaddoolenna, ciꞌleesichcho atika addattaattole sodaꞌa atixxi heeꞌnomitaꞌn metaan. Isinna iitta hexxeexxe dhibonni dhibemeeka heddo manna ciꞌloomatixxa dandeette afeeke kada dandeꞌaan. Haasootatto wodda miꞌlachchoti ateꞌe caqasaammaxxeꞌe, rakko atixxa gargaadheecho ateꞌn fakkaattaan. Dedha weli manninna eloxxa ciꞌlo uwwaashsha yaada shiqisa dandeꞌaan. Weli fakkaattaaxxa, noꞌonna Yihowwa konnechchi edi darre asseexxa yaane, taꞌa assaꞌneexxa yaanenna ediꞌa assaꞌneexxa yaane hedat, isoꞌoꞌn affeenexxa adde jebeesedha dandeenannon. Daawitinna asseemaki iittademman. Faaro 56 keꞌn afeimaaka yaada uundaꞌn menanno wodda, Yihowwaꞌn affeettexxa adde jabeessedha dandeettato qiconna sodaꞌa injiffatatto qico hubat.

YIHOWWA KONNEECH EDI DARRE MAA ASSEEMMA?

5. Daawiti sodaꞌa injifatate heene yaanuwwaꞌn alalche? (Faaro 56:12, 13)

⁵ Daawiti rakkoteꞌn hedhemmaxxa yanna, Yihowwa konneech edi darre asseemmaxxe yaaneꞌn miꞌlachcho asseen. (Faaro 56:12, 13 yaansis.) Daawiti konne garinn iitta heda, hedho isixxe duuchchaꞌa laꞌo affeexxe yaanemman. Fakkeennakeꞌe, isinna Yihowwaxxe dadatixxe hujeꞌn alalchaamman, tinninna, Yihowwa duuchchiniinxa dandaaꞌake Mageno kadeexxanna manjiike beltiꞌa hedaꞌneeke kadeexxa qalli hiyyashsha assiteen. (Faaro 65:6-9) Daawiti, Yihowwa welekeꞌe asseexxe yaaneꞌninna alalchaamman. (Faaro 31:19; 37:25, 26) Duuchchiniixxii imi darre, Yihowwa isiꞌa qofinni asseexxe yaaneꞌn alalchaamman. Yihowwa Daawitiꞌi laattumaandenaaꞌn safe isoꞌo kiphaamman ittan heqqaamman. (Faaro 22:9, 10) Tenne yaaneꞌn alalcha Daawiti Yihowwaꞌn afeexxi adde jabaattaashsha assitee qico hedateꞌe woꞌlaanne!

6. Sodaantannoxxa yanna, Yihowwaꞌn addata dandeenannoshsha gargaartaaxxi yaane maacho?

⁶ Sodaattattoxxa yanna ‘Yihowwa konneechi edi darre maa assee?’ hite ifi qori. Isi dadeexxa yaane hed. Fakkeennakeꞌe, Yihowwa fakke isixxeꞌn dadeendeebaaxxenna isoꞌo mageneeffaattaꞌnebaaxxe yaaneꞌa, tinniirinna, ciꞌuwwanna daraaruwwakee hedaꞌnee qico hubata, isi noꞌaa hedaꞌneeke Mageno kadeexxa anfeennexxi adde jabaattaashsha assitaan. (Mat. 6:25-32) Yihowwa isoꞌo mageneeffataꞌneeke manniꞌa asseexxa yaanenna hedi. Maxaafa Qullichchakenaaꞌn jabaxxa adde afeexxa leellisheeke manjika raaga qoꞌnisa dandeetatton, yookiin baro noꞌokeꞌn hexxeexxe Yihowwaxxe ergantooleka, hedhotixxa barannonna yaanisisa dandeetatton.aItti lebendaaxxa, Yihowwa ateꞌe karkaassee qico qalli hiyyi. Isi ateꞌe dhugaatibaa aadhe dageeki hittate? (Yoha. 6:44) Kadha atixxa hiisseeki hittate? (1 Yoha. 5:14) Eeyyemeeke belto isike tolchinaaꞌn barra barrandeꞌn laꞌo alfitaateki hittate?—Effe. 1:7; Ibra. 4:14-16.

7. Webeekkichchi Daaniꞌeeliki raagi, Vaaneesa sodaꞌa injifattaashsha gargaareeki hittate?

⁷ Heeti bogaꞌn hexxeexxe Vaaneesab hiyyenedeexxe mitte dayyoꞌn sodaachchisaaki jeej futti hiyyeemman. Loolakeꞌn hedheeki mitti manji, bilbilaꞌninna erga borreessaꞌn isixxe jaalo kaddaashsha gaddachaꞌnemman. Vaaneesa tennee yaane hassaꞌnebaaxxa toggichcha kadeeke orinni kuldeen. Kaddomaleꞌe, kunni manjichchinna haranga aaratenaaꞌn kexxeexxa sodaachisa safeen. Isenna “aninna sodaateennan” hiteen. Vaaneesanna tenne sodaꞌa injifata dandeetteeki hittate? Isenna ifi heqqedhateꞌe eloxxa tarkaaffe adhdhiteen. Gubaꞌetixxi geedhenna iseꞌe baallooleeyye mootummatixxinni afeensisati gargaaritteen. Ittan Yihowwa edixxe yannaꞌn ergantoole isixxa hitta gargaareemmaxxa heddeen. Vaaneesanna iitta hiteen; “taakkaꞌa sammo anxibaa dageeki wabeekkichchi Daaniꞌeelten. Isoꞌoonna mitte balleessa belo soloꞌweeke neenqixxe baleꞌn darbineemman. Kaddoolenna, Yihowwa isooꞌo gargaareemman. Yihowwa tenne yaaneꞌn tarkaaffe adhdhaashsha kadhatennen. Okkoneechi uduma tenne yaaneꞌa sodaate egeꞌneꞌnon.”—Dani. 6:12-22.

YIHOWWA TAꞌIXXE YAANNAꞌN MAA ASSAꞌNE?

8. Daawiti heene yaaneꞌn kokiinkemaꞌa? (Faaro 56:8)

⁸ Daawiti Geeti hedhemmaxxa yanna, hedho isixxi balateꞌn banqareendoolenna sodaꞌateꞌe anga uwweemabaan. Tenneꞌa irra, Yihowwa isiꞌa eettene yannaꞌn assaammaxxa yaane hedaamman. Daawiti, Yihowwa isooꞌo akeekaꞌneexxa, heqqaꞌneexxanna isi hedheeka jeeja uudaꞌneexxa egeꞌneemman. (Faaro 56:8 yaansis.) Daawiti eloka kiphanna gargaarsa isiꞌa assaaka addatemeeka jaaluwwa, Yoonaataaniinna Lumoka Kahinaattichcho Ahimeleekiꞌi afeemman. (1 Samu. 20:41, 42; 21:6, 8, 9) Ittan Mootichchi Saꞌool Daawitiꞌi shiyateꞌe haseexxe kaddoolenna, Daawitinna miliqa dandeꞌeen. Isinna, Yihowwa rakko isoꞌn gelteexxanna, rakko tinni hitte qico isoꞌo yaadissaꞌneexxa egeꞌneemmaxxa addataꞌnemman.

9. Yihowwa noꞌoꞌo mitti mittinga uuddaaxxa heene yaane egeꞌne?

⁹ Sodaachchissaaxxi yaane ateꞌn geltaa wodda, Yihowwa tennee rakkonna rakko tinni ateꞌe hitte qico yaadissaꞌneexxa egeꞌneexxa qali hiyyi. Fakkeennakeꞌe, Yihowwa Isiraꞌelik arid Gibtse hedhemmaxxa yanna, insaꞌneꞌn geyaammaka miiccama calla kedebaanig “insaꞌneꞌn geltaammaxxa wixixxii” adda egeꞌneemman. (Zetsi. 3:7) Daawiti “abara” isoꞌn geyaamakanna “yaaddoti” liqiinsemeemmaxxa yanna, Yihowwa isoꞌo uudaammaxxa faarisseen. (Faaro 31:7) Ittan, Mageniiki arid ifinge dedhabaaꞌn kexxeexxa rakkoteꞌn ibaamma wodda, yaaddo insaꞌnexxenaaꞌn kexxeexxa “isinna yaadaamman.” (Isa. 63:9) Atinna sodaattattoxxa yanna, Yihowwa yaaddo atixxa egeꞌneꞌeen, ittan sodaꞌa injifata dandeetattoshsha ateꞌe gargaaroꞌa halchaꞌneen.

10. Yihowwa atiꞌa hedaꞌneexxanna ateꞌn geltaꞌneexxe rakko duuchchaꞌn gargaaraaxxa addattaateki mayeete

¹⁰ Sodaachchissaaxxi yaane ateꞌn geltaa wodda, Yihowwa ateꞌe gargaaraꞌne qico egeꞌna manbeꞌa hitattoshsha assitaaxxinna hexxaan. Tenneꞌa gargaarsa isika uuda dandeettattoshsha kadhat isoꞌo laqi. (2 Negis. 6:15-17) Okkooꞌn tenne yaanuwwa hedi: Gubaꞌe giddo shiqaꞌneeki haasoꞌinna dayyuwwa uutaꞌneeki yaaduwwi ateꞌe jajjabeessee? borro,viidiyo, yookiin orijjinaale faaro ateꞌe jajjabeesiteꞌe? Mitti manji dayyessaaka yaadanna xiqse, atiꞌa kulee egeꞌnee? Dayyuwwa leellishshaꞌneexxa jaalalanna alfinaannexxa manfasiinxa sagale shollinse uundannoxxi hedha dandeettan. Kaddomaleꞌe, tinninna Yihowwabaaꞌn alfineennexxe manbeꞌa assitaaxxe uwwan. (Isa. 65:13; Marqo. 10:29, 30) Tinninna isi atiꞌa hitte qico hedaꞌneexxa leellishshaaxxen. (Isa. 49:14-16) Ittan isoꞌn addata hasissaaxxe yaane kaddeexxa kokeesitaan.

11. Ayida sodaꞌa unjifata dandeettaashsha gargaariteexxi yaane maachcho?

¹¹ Senegaale hexxaꞌneexxi Ayida, rakko iseꞌn gelteemmaxxa yanna, Yihowwa iseꞌe gargaareemma qico hubatteemman. Isenna minekeꞌe angafa belto kaddeemaxxeꞌe, hadi iseki ifinna kedde insaꞌne karkaarissateꞌe geyaaka mallaqa afa hasissaaxxa isenaaꞌni heqqinaamman. Kaddomaleꞌe, qajeellisanjo kadateꞌe jiro isexxa shollisexxeemaxxeꞌe, maallaqiinxi rakko iseꞌn gelteen. Hadi isekinna tennenaaꞌn kexxeexxa, iseꞌe tuffateen ittan mufateen. Isenna iitta hiteen; “hado anka gargaara dandeꞌa gophennexxeenna manji duuchchi aneꞌe fojatenaaꞌn kexxeexxa sodaatennen. Tinni elobaaxxi yaane kaddoꞌa waaleexxe Yihowwaꞌa aallataannan.” Okkooꞌn isenna ardiinka haasoꞌa gubaꞌeteꞌn laqqeen. “Ardiinka haasoꞌa shiqiseeki dayyinna, qalbe noꞌoxxixxi mada hittee qico hexxeexxe kaddoolenna, Yihowwa egeꞌneexxa qalli hiyyannoshsha asseen. Geedhenna wele dayyuwwa uutaꞌneeke gorsinni laanginni, Yihowwa aneꞌe eeyyaꞌneexxa kokeessennen. Yihowwabaanna woꞌma qalbenni haarooba kadhata safennen, isinna kadha anxa hiisseꞌna uudanno wodda qalbe anxi nageꞌa alfiteen.” Yannati uduma Ayida, qajeellisanjonde kaddeꞌe, ifi calla kaddebaangi hado ittan wele manjonna gargaara dandeettaaxxa huje alfiteen. Isenna iitta hiteen “Yihowwaꞌn woꞌma qalbenni addata hasissaaxxa barateenen. Taꞌa kadhatennechi uduma sodaꞌa anenaaꞌn baxxaꞌneen.”

YIHOWWA EDIꞌA MAA ASSA?

12. Faaro 56:9 hundaayyeshshanni, Daawiti addataammaxxi yaane maachcho?

¹² Faaro 56:9 yaansis. Tinni xiqse, Daawiti sodaꞌa injifata dandeꞌeeka wele ora ifissaan. Daawiti rakkoteꞌni hedheexxe kaddoolenna, Yihowwa isiꞌa ediꞌa assaaxxe yaaneꞌn alalchaamman. Isinna, Yihowwa hasissaaxxe yannaꞌn rakkotenaaꞌn isoꞌo dandamaaxxa egeꞌneemman. Duuchchiinxi iimi darre, Yihowwa Daawiti Isiraꞌeelike itti aana mootichcha kadaaxxxa egeꞌnisheemman. (1 Samu. 16:1, 13) Daawiti, Yihowwa isiꞌa kako ageexxi yaane duuchchi muuxendaaxxa kokiinkemman.

13. Yihowwa maa assaaxxa addata dandeenanno?

¹³ Yihowwa atiꞌa maa assateꞌe kako aageꞌe? Isi noꞌoꞌn hiin rakkonna geltabaashsha gollabaan.c Tenne aadaꞌn rakko ateꞌn geltoolenna, Yihowwa daggaaxxe haarooxxe buttaꞌn rakko tenꞌe balleessaaxxa qalli hiyyi. (Isa. 25:7-9) Dadatiki anni noꞌoki reyeka keꞌissaaxxa, dhibemeeka fayyisaaxxanna noꞌoꞌn shorrichcho geesisaaka duuchcha, balleesatixxa jabaxxa hunna afeexxi egeꞌnedeexxen.—1 Yoha. 4:4.

14. Heene yaaneꞌn alalcha dandeenanno?

¹⁴ Sodaattattoxxa yanna, Yihowwa ediꞌa assaaxxe yaaneꞌni alalchi. Seexani baꞌaxxa, fuggaaleessi manni baꞌeeꞌnaꞌa qulliyye calli hexxaaxxa yannannaa, laaniki qulliyye kandaꞌni menannoxxa yanna hedatee woꞌlaan. 2014 ke killiletike bukkiitike prograamaꞌn, tasfa noꞌokeꞌn hitta alalchinanno qico ifissaaxxi huje leellishsha shiqqeeman. Mitti anni 2 Ximootwosi 3:1-5 hedheeki tinibiitetiki yaadi, butta gennete kadda wodda gargariti hedheeke garinni muuxemaaki, hittate kadeexxa mini hado isika mariꞌachchiiseemman: “Haarooxxe buttaꞌn gammachchisaaki bari dagaan. Manji weli eeyyaake kadaan, dhugaa eeyyaake, mike ifixxa egeꞌnaake, ifi heeshshi assaake, Mageno galeteefataake, hadokeꞌe ajajemaake, galateefataake, addatemeeke, mini hado isikee lumoxxa jaalala afeeke, araaremateꞌe eetiitike, duuchchini wodda weliinxa eloxxa yaane haasoꞌaake, ifi hiraake, baꞌlake, eloxxa yaane eeyyaake, addatemeeke, eetiitike, hollabaake, maaliinxe gammashsho irra Mageno eeyyaake, Magenokeꞌe hedhaꞌneekenna mittunte afeeke kadaan.” Haarooxxe buttaꞌn hedho hitta hexxaaxxa mini hadi atikinninna addetike jaaluwwinni haasootte egendette?

15. Tanja sodaattoolenna, sodaꞌa injifata dandeettaashsha gargaarteexxi yaane maachcho?

¹⁵ Bitaꞌike Meqedooniyaꞌn hexxaꞌneexxi Tanja heyyendaaxxi dayyo, ediꞌa hedheeke badhaadhaꞌn alalchat sodaꞌa injifata dandeetteen. Iseki hadinna, Maxaafa Qullichcha barattabaashsha jabaka shorrichcho geesisaamman. Isenna iitta hiteen: “Mitte mitte geltaan hiyyaꞌn sodaataannaxxi yaane aneꞌn gelteen. Ama anxinna gubaꞌe mare daganno wodda duuchcha aneꞌe gandaamman. Hadi ankinna Yihowwaxxe Naqaashe kadonnole, aneꞌe shinnaaxxa haasoꞌati sodaachisaamman.” Okkooneechchi udumanna, Tanjaꞌa miniiꞌn shorrineen. Tanja maa assiteta? Isenna iitta heteen: “Addatenshat uurronnole baro barokeꞌe hitta gammade hedhannoxxa hedennen. Iittan, Yihowwa taꞌixxe yannaꞌn gopheennexxa yaane, haarooxxe buttaꞌn aniꞌa badhaasaaxxanna duuchchiinxi elobaaxxi yaane hitta dedhedaaxxa hedennen.” Tanja addatenshat uurriteen. Ittan Yihowwake gargaarsinni hexxaaxxa bakkanna alfiteen. Taꞌixxe yannaꞌn Tanja, addatemeeke mitte dayyoꞌn heerunde, isinni welt woꞌma yannaxxe ergachchoꞌn gammadiki erigatemateꞌn heꞌneen.

YIHOWWAꞌN AFFINEEXXA ADDE TAꞌANNI JABEESSEDHDHE

16. Luqqaasi 21:26-28 kulendeexxi, tinibiite muuxendeeꞌnaꞌa uundanno wodda, sodaantabeꞌnoshsha maachchi noꞌo gargaara?

¹⁶ Lumoke abari wodda baci manni “alayyiki laꞌo hiyyaan.” Kaddomaleꞌe, Mageniinki ardi kinni ossunteti jabaate uurraan. (Luqqaasi 21:26-28 yaansis.) Sodaata gonphaanneki mayeete? Buutotinna, Yihowwaꞌn addata baranteennaxxeeten. Iimiiꞌn uuddennexxi Tanja, hedho isexxeꞌn baratteexxi yaane rakko iseꞌn gelta wodda ise gargaarteexxa haasootteen. Isenna iitta heteen: “Yihowwa hoone jeejaꞌninna noꞌaꞌa eloxxa yaane assatebaaꞌn udumiꞌa hegabaaxxa uudeennen. Mitte mitte yanna manji, yaane duuchcha isixxe toꞌe hunda hexxeechcho fakkaattaan. Dhugaatishsha kaddoole kinni, mitte yaane kada dandeettaaki Yihowwa fedhiꞌi uwweexxe yaane callan. Ittan rakko hoone qiconna jabaxxe kaddoole saꞌa isexxi gattabaan.”

17. 2024 xxi woggatixxi xiqse noꞌoꞌo gargaartaaki hittate? (Gogakeꞌn hexxeexxa fakke uudi.)

¹⁷ Telchixxe yannaꞌn heddo sodaachchissaaxxi yaanuwwa hexxeen. Kaddomaleꞌe, noꞌonna Daawitishshanni sodaꞌatixxe funxoroꞌn iba gophateꞌe jabaxxa woꞌlaancho assiyyo hasissaan. Noꞌoxxi 2024 woggaxxi xiqse hundeeseꞌndeeki, Daawiti Yihowwabaꞌa kadhateexxe kadhaꞌniten: “Sodaatannoxxa yanna, ateꞌn addatannon.” (Faaro 56:3) Mitti Maxaafi Qullichchiiki beekichchi, tenneꞌe xiqse uuddaaxxa iitta hiyyeen “Daawiti isoꞌo sodaachisseexxa yaane yookiin rakko isoꞌn geltaammaxxeꞌn hedate irra, isoꞌo gargaaraamake Magenoꞌn addataamman.” Dagaake agenjuwwaꞌn sodaachisaaki jeejuwwi ateꞌn futti hiyya wodda, tenneꞌe woggatixxa xiqse qalli hiyyi. Yihowwa edo, taꞌana kedde ediꞌaa assaaxxa yaane, yanna uute hed. Iitta assitaattole atinna Daawitishshanni: “Magenokeꞌn addataannen, sodaatabeꞌnon” hiyya dandeettaton.—Faaro 56:4.