Miiccami Geyaꞌneexxe Dubarteꞌaa Kadaaka Gargaarsa
“BUTTA duuchchaꞌni miiloonuwwati laakkoꞌendaaxxe heerundeexxenna heerundebaaxxe dubarteꞌni miidhdhami geyaꞌneen. Ateꞌninna iitta hexxeexxi yaane geltaꞌnee? Magen nageꞌiki hexxottaa hasaꞌneeki mayyete kaddeexxanna miiccami geyaꞌneexxe dubarteꞌa isi maa assaaxxa uudi.”
“Dubarteteꞌni Geyaꞌneeka Miiccama—Maxaafi Qullichchi Maa Hiyya?” hiyyaaki jw.orgki umi yaadi safaaki konne iimiiꞌni hedheeke yaadinniten. Konne umi yaadike muuxamaꞌni PDF ti dirrisateꞌe qophpheessendeexxi linke hexxeen, dirrissetexxi maxxansitettechchi uduma shooleba enqitettexxi tiraakitetixxe fakkenni abixxa dandeettatton. Yunaytid Isiteetise hexxaꞌneexxi Isitaasi hiyyendaaxxi mitte dayyo; “Tenne barachcho maxxansennexxi mitte dayyonni welti, gubaꞌe noꞌoxxike loolaꞌni dubarte calli hexxaꞌneexxe bakkabaꞌa aaꞌne marrennen” hiteen.
Okkoo hujjaꞌneexxi manjichcho welekeenna uwwatee hasseexxi borro lenbe uunaashsha qorteen. Tennenaaꞌni kexxeexxa 40 tirakitenna 30 jw.org kaarde mannakeꞌe uwwendeen. Udumiiꞌni marraa woddi, ettene bakka toꞌattaꞌneexxi sooreessichcho, Yihowwaxxi Naqaashe okkoo hexxaꞌneexxe dubarteꞌaa, Maxaafa Qullichcha barantaa qico leellishoꞌa hasseemman.
Isitaasinna lame dayyuwwa tennenni weli fakkaattaaxxa yaane hubanteen, insaꞌne marreexxi dubarte hexxaꞌneexxe wele bakkaꞌni, onde tiraakituwwa uuneen, ittan weli tiraakite hasaꞌneeki manninna adhdhateꞌe qoreen. Okkoo hujaꞌneeke manni giddiiꞌni mitte “Kunni woraqati kaba hexxeexxa dubarte yoꞌoshsha gargaaraaken” hiteen. Ittan lebbeexxi “Konnee woraqata hansaannen” hiteen. Higgee baro dayyuwwa marteꞌe, Maxaafa Qullichcha barantaa qico lellishaaꞌnaꞌa, okkoo hexxaꞌneexxi heddo dubarte bukki hite uuddeen, tenne dubarte giddiiꞌni lame itti aandaaxxa torba gubaꞌe mara hassaꞌneexxa haasootteen.
Isitaasi iitta hiteen: “Tennee tiraakite manji hittee qico eeyye adhdhaꞌneexxa uundanno wodda haranga manbeꞌa hinennen. Miiccami geyaꞌneexxe dubarteꞌa Mageniinxe Mootummaxxa gammachchiissaaxxa odo kulateꞌe haranga eloke oran. Kullaannexxa yaane dubarte tinni gammashsoti laqqaaꞌnaꞌa uuda qalbe noꞌoxxinna gammaddaashsha assiteen, Gammachchiissaaxxa odo insaꞌnaꞌa geesisateꞌe assinaannexxa woꞌlaancho Yihowwa eebbisaꞌneexxa uuda irran caala gammandannoshsha assiteen.”