Mini hadi gammadiki hedhaashsha haraniga hasissaaxxi yaane maachcho?

MAXAAFI QULLICHCHI MAA HIYYA?

“Gammadaakiiri mageninxxa hiyya laqe heqqedhaaken!”—Luqqaasi 11:28.

TENNEꞌE EGEꞌNA ATIꞌA MAA LAꞌO AFFEꞌE?

Mini hadi giddo dhugaatixxi jaalala hexxaan.—Effesooni 5:28, 29.

Mini hadi giddo dhugaatixxi weli ulfeessa hexxaan.—Effesooni 5:33.

Mini hadi giddo dhugaatiki nageꞌi nna mittoomi hedhaan.—1 Phexxiroossi 3:10, 11.

MAXAAFI QULLICHCHI HIYYAAKE YAADAꞌN ADDATA DANDEENNANO?

Eeti, lame buutuwwa uundo.

• Minika hado hundeesseꞌeki magenoken. Maxaafi Qullichchi “duuchchiningi mini hadi summa alfeeki” Mageno Yihowwanaaꞌniten hiyyaan. (Effesooni 3:14, 15) Iita hiyyo mini hadi afema dandeꞌeki Yihowwa dadeexxeten. Tenne egeꞌna noꞌa laꞌo afeꞌen.

  Fakkeennake, mitte xeꞌmitaꞌneexxa sagale itateꞌni hexxette hino, sagale tinni hitta qophpheꞌesendeꞌexxa egeꞌna hassottole qophpheseeka manjo qortatoxxi egeꞌnendeexxen.

  Wel fakkaataaxxa, mini hadixxa hedho gammachchissaake orin akeenkonnaa hanssonole mini hado dadeeke Magenixxa akeete qodhdhiyyo hasissaan.—Dadattika Maxaafa 2:18-24.

• Mageni gammadiki hexxinoꞌa hassaꞌneen. Mitti mini hadi, Yihowwa Maxaafi Qullichchini gamiiꞌn uwwaꞌneeka gorssa heqqedheexxe kaddoole gammadeeke kadaan. Buutotinna Maxaafi Qullichchi “[Mageni] atiꞌa hedaan” hiyyaan. (1 Phexxiroossi 5:6, 7) Tennexxee isi duuchchin wodda noꞌa qabboꞌa hasaꞌneexxi egeꞌnendeexxen. Gorissi isikinna laꞌo afeeken.—Fakkeenni Maxaafa 3:5, 6; Isayaassi 48:17, 18.