ეზეკიელი
8 მე-6 წელს, მე-6 თვის მე-5 დღეს, როცა ჩემს სახლში ვიჯექი და წინ იუდას უხუცესები მესხდნენ, უზენაესმა უფალმა იეჰოვამ ხელი მომკიდა. 2 გავიხედე და დავინახე რაღაც ცეცხლისმაგვარი; ცეცხლი ენთო იმის ქვემოთ, რაც მის წელს ჰგავდა,+ ხოლო წელზევით ის ელვარებდა, ოქროსა და ვერცხლის შენადნობივით ბზინავდა.+ 3 მან გამოიწოდა რაღაც ხელისმაგვარი და თმაზე მომკიდა; სულმა ცასა და დედამიწას შორის ამიტაცა და ღვთიური ხილვებით იერუსალიმში მიმიყვანა, შიდა კარიბჭის შესასვლელთან,+ ჩრდილოეთს რომ გაჰყურებს, სადაც ღვთის განმარისხებელი კერპი იდგა.+ 4 იქ ისრაელის ღვთის დიდება იყო დავანებული,+ ისეთი, როგორიც ველზე ვიხილე.+
5 მან მთხოვა: „კაცის ძეო, თვალი მიაპყარი ჩრდილოეთს“. მეც მივაპყარი თვალი ჩრდილოეთს და სამსხვერპლოს კარიბჭის ჩრდილოეთ მხარეს, შესასვლელთან, ის კერპი დავინახე. 6 შემდეგ მითხრა: „კაცის ძეო, ხედავ, რა საშინელებას, რა სისაძაგლეს სჩადიან ისრაელები?!+ მაიძულებენ, რომ მივატოვო ჩემი წმინდა ადგილი.+ შენ უფრო დიდ საშინელებას, უფრო დიდ სისაძაგლესაც ნახავ“.
7 შემდეგ ეზოს შესასვლელთან მიმიყვანა; გავიხედე და კედელში ხვრელი დავინახე. 8 მან მთხოვა: „კაცის ძეო, გააფართოვე ხვრელი“. მეც გავაფართოვე ხვრელი და შესასვლელი დავინახე. 9 მერე მითხრა: „შედი, ნახე, რა ბოროტებას, რა სისაძაგლეს სჩადიან“. 10 მეც შევედი და დავინახე, რომ ირგვლივ კედლებზე ყველანაირი ქვეწარმავალი, ყველანაირი საზიზღარი ცხოველი+ და ისრაელთა საზიზღარი კერპები*+ იყო ამოკვეთილი. 11 მათ წინ იდგა ისრაელის 70 უხუცესი, მათ შორის შაფანის ვაჟი+ იააზანიაც; თითოეულს ხელში თავისი სასაკმევლე ეჭირა და სურნელოვანი საკმევლის კვამლი ზემოთ ადიოდა.+ 12 მან მითხრა: „ხედავ, კაცის ძეო, რას სჩადიან სიბნელეში ისრაელის უხუცესები, რას სჩადიან შიდა ოთახებში, სადაც კერპებია გამოსახული?! ამბობენ, ვერ გვხედავს იეჰოვა, მიატოვაო იეჰოვამ ეს მიწა“.+
13 მან მითხრა: „უფრო დიდ საშინელებას, უფრო დიდ სისაძაგლესაც ნახავ, რასაც ისინი სჩადიან“. 14 მერე იეჰოვას ტაძრის ჩრდილოეთი კარიბჭის შესასვლელთან მიმიყვანა და დავინახე, რომ იქ ქალები ისხდნენ და ღმერთ თამუზს დასტიროდნენ.
15 მან მითხრა: „ხომ ხედავ ამას, კაცის ძეო? ამაზე დიდ საშინელებას, დიდ სისაძაგლესაც ნახავ“.+ 16 შემიყვანა იეჰოვას ტაძრის შიდა ეზოში;+ იეჰოვას ტაძრის შესასვლელთან, წინკარსა და სამსხვერპლოს შორის, ოცდახუთიოდე კაცი დავინახე; მათ ზურგი შეექციათ იეჰოვას ტაძრისთვის, სახე კი აღმოსავლეთისკენ მიებრუნებინათ და მზის წინაშე პირქვე ემხობოდნენ.+
17 მან მითხრა: „ხედავ ამას, კაცის ძეო? ნუთუ ის არ ყოფნის იუდას, ამდენ სისაძაგლეს რომ სჩადის, მიწას ძალადობით რომ ავსებს+ და შეურაცხმყოფს?! ახლა ცხვირთანაც მომიტანეს ტოტი*! 18 ამიტომ მეც გადმოვღვრი მათზე ჩემს რისხვას. არ შევიბრალებ და არ შევიწყალებ.+ ხმამაღლაც რომ ჩამძახონ ყურში, მაინც არ მოვუსმენ“.+