ეზეკიელი

48 «აი ტომები, ჩრდილოეთი კიდიდან რომ იწყება. დანის წილი+ გადის ხეთლონის გზის გასწვრივ, მიდის ლებო-ხამათამდე+ და ხაცარ-ენანამდე, მიუყვება დამასკოს ჩრდილოეთ საზღვარს, ხამათის გვერდით;+ ის აღმოსავლეთი საზღვრიდან დასავლეთ საზღვრამდეა გადაჭიმული. 2 აშერის წილი+ დანის წილს ესაზღვრება, აღმოსავლეთი საზღვრიდან დასავლეთ საზღვრამდე. 3 ნაფთალის წილი+ აშერის წილს ესაზღვრება, აღმოსავლეთი საზღვრიდან დასავლეთ საზღვრამდე. 4 მენაშეს წილი+ ნაფთალის წილს ესაზღვრება, აღმოსავლეთი საზღვრიდან დასავლეთ საზღვრამდე. 5 ეფრემის წილი მენაშეს წილს ესაზღვრება,+ აღმოსავლეთი საზღვრიდან დასავლეთ საზღვრამდე. 6 რეუბენის წილი ეფრემის წილს ესაზღვრება,+ აღმოსავლეთი საზღვრიდან დასავლეთ საზღვრამდე. 7 იუდას წილი რეუბენის წილს ესაზღვრება,+ აღმოსავლეთი საზღვრიდან დასავლეთ საზღვრამდე. 8 აღმოსავლეთი საზღვრიდან დასავლეთ საზღვრამდე გადაჭიმულ იუდას საზღვართან ის მიწა იქნება, თქვენ რომ შესწირავთ, რომლის სიგანე 25 000 წყრთა* იქნება+ და რომლის სიგრძეც აღმოსავლეთი საზღვრიდან დასავლეთ საზღვრამდე სხვა ტომების წილის ტოლი იქნება. მის შუაგულში ტაძარი იქნება.

9 თქვენ მიერ იეჰოვასთვის შეწირული მიწა სიგრძით 25 000 წყრთა და სიგანით 10 000 წყრთა იქნება. 10 ეს იქნება მღვდლებისთვის გაღებული წმინდა შესაწირავი+ — ჩრდილოეთით 25 000 წყრთა, დასავლეთით 10 000 წყრთა, აღმოსავლეთით 10 000 წყრთა და სამხრეთით 25 000 წყრთა. მის შუაგულში იეჰოვას ტაძარი იქნება. 11 ეს განწმენდილი მღვდლებისთვის იქნება, ცადოკის შთამომავლებისთვის,+ მათთვის, ვინც ასრულებდნენ თავიანთ ვალდებულებებს ჩემ წინაშე და ზურგი არ მაქციეს დანარჩენი ისრაელებისა და ლევიანების მსგავსად.+ 12 მათ მიეცემათ შეწირული მიწიდან წილი, რაც წმინდა იქნება, ლევიანების მოსაზღვრედ.

13 მღვდლებისთვის დანაწილებული მიწის გვერდით ლევიანების წილი იქნება, სიგრძით 25 000 წყრთა და სიგანით 10 000 წყრთა (მიწის მთელი სიგრძე 25 000 წყრთა იქნება, სიგანე — 10 000 წყრთა). 14 ამ საუკეთესო მიწის არცერთი ნაწილი არ უნდა გაყიდონ, არ უნდა გაცვალონ და არც არავის უნდა მისცენ, რადგან ის წმინდაა იეჰოვასთვის.

15 დარჩენილი მიწა, რომლის სიგანე 5 000 წყრთაა, ხოლო სიგრძე — 25 000 წყრთა, ქალაქისთვის გამოიყოფა;+ ეს მიწა იქნება დასასახლებლად და საძოვრებად. მის შუაგულში ქალაქი იქნება.+ 16 აი ქალაქის ზომები: ჩრდილოეთი საზღვარი — 4 500 წყრთა, სამხრეთი საზღვარი — 4 500 წყრთა, აღმოსავლეთი საზღვარი — 4 500 წყრთა და დასავლეთი საზღვარი — 4 500 წყრთა. 17 ქალაქის საძოვარი იქნება: ჩრდილოეთით — 250 წყრთა, სამხრეთით — 250 წყრთა, აღმოსავლეთით — 250 წყრთა და დასავლეთით — 250 წყრთა.

18 დარჩენილი ნაკვეთი შეწირული წმინდა მიწის მომიჯნავედ იქნება,+ 10 000 წყრთა აღმოსავლეთით და 10 000 წყრთა დასავლეთით. ის შეწირული წმინდა მიწის გასწვრივ იქნება; მისი მოსავლით ქალაქში მომსახურენი ისაზრდოებენ. 19 მას ისრაელის ყველა ტომიდან ქალაქის მომსახურეები დაამუშავებენ.+

20 მთელი შეწირული მიწის თითოეული გვერდის სიგრძე 25 000 წყრთაა. გამოყავით ის როგორც წმინდა მიწა ქალაქისთვის გამოყოფილ მიწასთან ერთად.

21 რაც შეწირული წმინდა მიწისა და ქალაქისთვის გამოყოფილი მიწის გვერდებზე დარჩება, თავკაცისა იქნება.+ ეს მიწა იქნება 25 000–წყრთიანი შეწირული მიწის აღმოსავლეთი და დასავლეთი საზღვრების გვერდით. თავკაცის მიწის საზღვარი მომიჯნავე ტომების გასწვრივ იქნება. შეწირული წმინდა მიწა და ტაძარი მის შუაგულში იქნება.

22 ლევიანთათვის და ქალაქისთვის გამოყოფილი მიწები თავკაცის კუთვნილი მიწის შუაგულში იქნება. თავკაცის მიწა იუდას საზღვარსა+ და ბენიამინის საზღვარს შორის იქნება.

23 აი დანარჩენი ტომები: ბენიამინის წილი აღმოსავლეთი საზღვრიდან დასავლეთ საზღვრამდეა გადაჭიმული;+ 24 სიმონის წილი ბენიამინის წილს ესაზღვრება,+ აღმოსავლეთი საზღვრიდან დასავლეთ საზღვრამდე; 25 ისაქარის წილი+ სიმონის წილს ესაზღვრება, აღმოსავლეთი საზღვრიდან დასავლეთ საზღვრამდე; 26 ზებულონის წილი ისაქარის წილს ესაზღვრება,+ აღმოსავლეთი საზღვრიდან დასავლეთ საზღვრამდე;+ 27 გადის წილი ზებულონის წილს ესაზღვრება,+ აღმოსავლეთი საზღვრიდან დასავლეთ საზღვრამდე; 28 სამხრეთი საზღვარი, რომელიც გადის საზღვართანაა, იწყება თამარიდან,+ გრძელდება მერიბათ-კადეშის წყლებამდე,+ გაივლის ხევს*+ და მიდის დიდ ზღვამდე*.

29 დაუნაწილეთ ეს მიწა სამკვიდროდ ისრაელის ტომებს;+ ეს იქნება მათი წილი,+ — ამბობს უზენაესი უფალი იეჰოვა. —

30 ქალაქს ექნება გასასვლელები; მისი ჩრდილოეთი საზღვრის სიგრძე 4 500 წყრთა იქნება.+

31 ქალაქის კარიბჭეებს სახელები ისრაელის ტომების მიხედვით დაერქმევა. ჩრდილოეთით სამი კარიბჭე იქნება: რეუბენის კარიბჭე, იუდას კარიბჭე და ლევის კარიბჭე.

32 აღმოსავლეთი საზღვრის სიგრძეც 4 500 წყრთა იქნება; იქაც სამი კარიბჭე იქნება: იოსების კარიბჭე, ბენიამინის კარიბჭე და დანის კარიბჭე.

33 სამხრეთი საზღვრის სიგრძეც 4 500 წყრთა იქნება; იქაც სამი კარიბჭე იქნება: სიმონის კარიბჭე, ისაქარის კარიბჭე და ზებულონის კარიბჭე.

34 დასავლეთი საზღვრის სიგრძეც 4 500 წყრთა იქნება; იქაც სამი კარიბჭე იქნება: გადის კარიბჭე, აშერის კარიბჭე და ნაფთალის კარიბჭე.

35 მისი გარშემოწერილობა 18 000 წყრთა იქნება. იმ დღიდან მოყოლებული ქალაქს ერქმევა: „იეჰოვაა იქ“».+