გალატელების მიმართ
6 ძმებო, თუ კაცი გაუაზრებლად მცდარ ნაბიჯს გადადგამს, თქვენ, ვინც სულიერად მოწიფულები ხართ, შეეცადეთ, მას რბილად მიუდგეთ+ და გამოასწოროთ. ამავე დროს, საკუთარ თავსაც დაუკვირდით,+ რომ თავადაც არ ცდუნდეთ.+ 2 ატარეთ ერთმანეთის ტვირთი+ და ამგვარად შეასრულებთ ქრისტეს კანონს.+ 3 თუკი ვინმეს თავი რამე ჰგონია, არადა, არაფერს წარმოადგენს,+ თავს იტყუებს. 4 თითოეული თავის საქმეებს დაუკვირდეს;+ ეს მოუტანს მას სიხარულს და არა საკუთარი თავის სხვასთან შედარება.+ 5 თითოეული თავის სატარებელს ატარებს.+
6 გარდა ამისა, მან, ვისაც ღვთის სიტყვას ასწავლიან, ყოველივე კარგი გაუზიაროს თავის მასწავლებელს.+
7 თავს ნუ მოიტყუებთ: ღვთის დაცინვა არ გამოგივათ, რადგან კაცი, რასაც დათესავს, იმას მოიმკის.+ 8 ვინც ხორცისთვის დათესავს, ხორცისგან ხრწნას მოიმკის, ხოლო ვინც სულისთვის დათესავს, სულისგან მოიმკის მარადიულ სიცოცხლეს.+ 9 ასე რომ, ნუ მოვიშლით სიკეთის კეთებას, რადგან თავის დროზე მოვიმკით, თუ არ დავიღლებით.+ 10 მაშ, ვიდრე დრო ხელს გვიწყობს, ყველას სიკეთე გავუკეთოთ, განსაკუთრებით კი თანამორწმუნეებს.
11 ნახეთ, რამხელა ასოებით მოგწერეთ საკუთარი ხელით.
12 ყველა, ვისაც სხვებზე შთაბეჭდილების მოხდენა სურს, წინადაცვეთას გაიძულებთ მხოლოდ იმიტომ, რომ ქრისტე იესოს წამების ძელის* გამო არ იყვნენ დევნილნი. 13 წინადაცვეთილები თვითონ არ იცავენ კანონს,+ ის კი უნდათ, რომ თქვენ წინადაიცვითოთ, რათა ამით იამაყონ. 14 მე კი, თუ ვიამაყებ, სხვა არაფრით ვიამაყებ გარდა უფალ იესო ქრისტეს წამების ძელისა*,+ ვისი მეშვეობითაც ქვეყნიერება ძელზეა გაკრული ჩემს თვალში და მე — ქვეყნიერების თვალში. 15 არც წინადაცვეთა ნიშნავს რამეს და არც წინადაუცვეთელობა,+ არამედ ახალი ქმნილება.+ 16 მშვიდობა და წყალობა მათ, ვინც ამ წესის თანახმად იცხოვრებს, დიახ, ღვთის ისრაელს!+
17 ამიერიდან ნუღარ გამიჩენთ საფიქრალს, რადგან ჩემს სხეულზე იესოს მონის დაღს ვატარებ.+
18 არ მოგკლებოდეთ უფალ იესო ქრისტეს წყალობა თქვენი სულისკვეთებისთვის, ძმებო! ამინ!