97 გამეფდა იეჰოვა!+
იხაროს დედამიწამ,+
იმხიარულონ კუნძულებმა!+
2 ღრუბლები და წყვდიადია მის ირგვლივ,+
სიმართლესა და სამართლიანობაზე დგას მისი ტახტი.+
3 ცეცხლი მიდის მის წინ+
და შთანთქავს ირგვლივ მის მოწინააღმდეგეებს.+
4 მისმა ელვამ გაანათა მიწა,
ხედავს დედამიწა და კანკალებს.+
5 ცვილივით დნება მთები იეჰოვას,+
მთელი დედამიწის უფლის წინაშე.
6 ზეცა აცხადებს მის სიმართლეს
და ყველა ხალხი ხედავს მის დიდებას.+
7 შერცხვეს ყველა, ვინც კერპებს ემსახურება,+
ვინც თავისი უსარგებლო ღმერთებით იკვეხნის.+
თაყვანი ეცით მას, ღმერთებო!+
8 ისმენს სიონი და ხარობს,+
მხიარულობენ იუდას ქალაქები
შენი სამართლის გამო, იეჰოვა.+
9 იეჰოვა, შენ ხარ უზენაესი მთელ დედამიწაზე,
ყველა ღმერთზე აღმატებული!+
10 იეჰოვას მოყვარულნო, შეიძულეთ ბოროტება.+
ის იცავს თავის ერთგულთა სიცოცხლეს;+
ბოროტთა ხელიდან იხსნის მათ.+
11 სინათლემ გამოანათა მართალთათვის,+
მხიარულების ჟამი დაუდგათ გულმართლებს.
12 გაიხარეთ იეჰოვათი, მართლებო,
და მადლობდეთ მის წმინდა სახელს!