მატიანე — წიგნი მეორე
13 მეფე იერობოამის მეფობის მე-18 წელს იუდაში აბია გამეფდა.+ 2 მან სამი წელი იმეფა იერუსალიმში. დედამისი იყო მიქაია,+ გიბელი+ ურიელის ასული. ომი იყო აბიასა და იერობოამს შორის.+
3 აბია ომში 400 000 რჩეული, მამაცი მეომრით ჩაება,+ იერობოამი კი 800 000 რჩეული, მამაცი მეომრით გამოვიდა მასთან შესაბრძოლებლად. 4 აბია ცემარაიმის მთაზე დადგა, ეფრემის მთიან მხარეში რომ არის, და თქვა: „მისმინეთ, იერობოამ და მთელო ისრაელო! 5 განა არ იცით, რომ იეჰოვამ, ისრაელის ღმერთმა, ისრაელის სამეფო სამარადისოდ+ დავითსა და მის ვაჟებს მისცა+ მარილის შეთანხმებით*?!+ 6 ნებატის ვაჟი იერობოამი+ კი, დავითის ვაჟის, სოლომონის, მსახური, აუჯანყდა თავის ბატონს.+ 7 უსაქმური და უვარგისი ხალხი იყრიდა მასთან თავს. სძლიეს მათ რობოამს, სოლომონის ვაჟს, რადგან ახალგაზრდა და გაუბედავი იყო რობოამი, და წინ ვერ აღუდგა მათ.
8 გგონიათ, რომ წინ აღუდგებით იეჰოვას სამეფოს, რომელიც დავითის შთამომავლების ხელშია, რაკიღა ბევრნი ხართ და თან გაქვთ ოქროს ხბოები, იერობოამმა ღმერთებად რომ დაგიყენათ?!+ 9 განა თქვენ არ განდევნეთ იეჰოვას მღვდლები,+ აარონის შთამომავლები, და ლევიანები?! განა სხვა ქვეყნების ხალხებივით ქურუმები არ დაიყენეთ?!+ თუკი ვინმემ მოზვერი და შვიდი ვერძი მოიყვანა, ყველა ცრუ ღმერთთა ქურუმი გახდა! 10 ჩვენი ღმერთი კი იეჰოვაა,+ არ მიგვიტოვებია ის! იეჰოვას ემსახურებიან ჩვენი მღვდლები, აარონის შთამომავლები, ლევიანები კი ეხმარებიან მათ; 11 ყოველ დილა-საღამოს დასაწვავ მსხვერპლს წვავენ,+ რომ იეჰოვას აუბოლონ, და სურნელოვან საკმეველს უკმევენ.+ ყოველ საღამოს ანთებენ ლამპრებს+ ოქროს სალამპრეზე,+ და წარსადგენი პური+ ხალასი ოქროს მაგიდაზე დევს. ჩვენ ვასრულებთ ჩვენს ვალდებულებას იეჰოვას, ჩვენი ღვთის წინაშე, თქვენ კი ზურგი აქციეთ ღმერთს. 12 აი, ჭეშმარიტი ღმერთი ჩვენთანაა და ის მიგვიძღვის; მისი მღვდლები აქ არიან, რომ საყვირებს ჩაჰბერონ და საბრძოლო განგაში ატეხონ თქვენ წინააღმდეგ. ისრაელებო, ნუ ებრძვით იეჰოვას, თქვენი მამა-პაპის ღმერთს, რადგან ხელი მოგეცარებათ!“+
13 ამასობაში იერობოამმა მათ ხალხი ჩაუსაფრა ზურგში; იერობოამის ჯარი იუდეველთა წინ იყო განლაგებული, ჩასაფრებულები კი — მათ უკან. 14 როცა იუდეველებმა უკან მოიხედეს, დაინახეს, რომ წინაც და უკანაც უნდა ეომათ. ხალხმა იეჰოვას შეღაღადა,+ ამ დროს მღვდლები საყვირებს ახმიანებდნენ. 15 საბრძოლო ყიჟინა დასცეს იუდეველებმა, მაშინ ღმერთმა დაამარცხა იერობოამი და მთელი ისრაელი აბიასა და იუდას წინაშე. 16 უკუიქცნენ ისრაელები, მაგრამ ღმერთმა ხელში ჩაუგდო იუდასტომელებს ისინი. 17 გაჟლიტეს ისინი აბიამ და მისმა ხალხმა; 500 000 რჩეული ვაჟკაცი დაეცა ისრაელთაგან. 18 ასე დამარცხდნენ მაშინ ისრაელები, იუდასტომელებმა სძლიეს მათ, რადგან იეჰოვაზე, თავიანთი მამა-პაპის ღმერთზე, იყვნენ მინდობილნი.+ 19 დაედევნა აბია იერობოამს და დაიპყრო მისი ქალაქები: ბეთელი+ მიმდებარე ქალაქებით, იეშანა მიმდებარე ქალაქებით და ეფრაინი+ მიმდებარე ქალაქებით. 20 ვეღარ მოიკრიბა იერობოამმა უწინდელი ძალა აბიას დროს. აღარ აცოცხლა ის იეჰოვამ.+
21 განიმტკიცა მეფობა აბიამ. შეირთო მან 14 ცოლი+ და შეეძინა 22 ვაჟი და 16 ასული. 22 აბიას დანარჩენი ამბები, მისი საქმეები და სიტყვები, იდო წინასწარმეტყველის ჩანაწერებშია მოცემული.+